Mandalay ah agil kizom unau apeng ki atte lakpan khatin hongnusia citciat

Mandalay ah agil kizom unau apeng ki atte lakpan khatin hongnusia citciat

Mandalay, Chanayethazan vengsung aom naupang zato ah agil akizom unau apeng te siavuan te’n khenkhiatsak, at khiatsak uhhi. Ahi zongin naupang a upazaw penin March 25 ni in hong nusia cih Myanmar Times pan kiza hi.

Unau apeng te ii anu ahi Daw Malar San ii genkhiatna ah “March 25 nitaklam 2pm hunpawl in ka tate a upazaw penin hongnusia. Siavuan te’n hoihtak in hongkepsak kawmkal ah hongnusia hi. Siavuanpipa zong alung nop hetkei. Hongpai in hong hehnem uh. Ama nuntak nading ahun hiciangbek nei himai lodia maw” ci’n anu in genkhia in, ki khasiatpih mahmah tek hi.

Hih agil akizom unau apeng tepen March 25 ni in Mandalay khuasung aom naupang zato minthangkhat ahi “550 Bedded Specialist Children Hospital” kicihna ah Operation akibawl ahihi. Surgeons te, Doctors te leh Nurses te’n lungduai takin Operation abawlbawl uh hi a, nai 14 leh Minute 35 tak ziakai in Surgery abawlkhit uhciangin mihing khattuak in hong suakkhiathei ahihi.

Operation akibawlkhit ciangin cidam mahmahlel uh himahleh Surgery bawlkhitzawh ni 2 aphak ciangin khatin hong nusia citciat hi.

Anu in Siavuan te’n adamlai khatpen ahoihtheipen in hong kepsakding hi ung ci’n honggen cihi. Hih unau apeng tepen 13 January 2016 kumin Monywa General Hospital pan asuak uh ahihi.

More: Mandalay ah agil akizom apeng nihte buaina omlo in ki at khiat sakthei

Asuahkhit azingciang Mandalay aom “550 Bedded Specialist Children Hospital” ah akipuakpah hi a, tuahun akipan aki kemsuaksuak ahihi. Anu leh apa tepen Monywa Township sung aom Nyaungpintha kicihna khuaneu khatpan hi uh a, lokhawh tawh akivak innkuan khat ahihi. ZD Sawltak #zomidaily