Malaysia, Melaka ah vanlengneu khat kia in mi 1 si, 1 liam

Malaysia, Melaka ah vanlengneu khat kia in mi 1 si, 1 liam

Malaysia, Melaka State sungah zanni Saturday ni in vanlengneu khat kia in, vanlenghawl Pilot penin sihlawh a, adang khatzong liamgawp cih NST pan kiza hi.

Tua vanlenghawl Pilot pen kum 54 aphakhin Yen Yoon Fah kici a, hihpatawh vanleng atuangkhawm ahi Passenger papen kum 35 aphakhin Shahrul Safiri kici hi.

Tua atuahsia vanleng pen Quicksilver GT500 plane kici vanlengnam te hi a, vandawn ah alenglaitak in aset siatna om ahih manin, Sungai Rambai Aerodrome zuanin aki lehkik ahihi.

Ahi zongin Sungai Rambai Aerodrome tungmanlo in Engine siatna om ahih manin, luisung ah kiasuk hi.

Merlimau Fire and Rescue Department chief operations officer Dzulkarnain Abd Halim in agenkhiatna ah hih vanlengneu pen Sungai Rambai Aerodrome ah aki koihcipzawh kha 2 bang hikhinta hi. Vandawn ah lentheih nadingin Civil Aviation Department (DCA) te tungpan in Flying Permit angak in akikoih, aki sitcian laitak cihi.

Huhngetna Distress Call akisap ciangin amanlang in Firefighter mi 8 aphual ah ki delhsakpah hi.

Video: Pilot killed, passenger injured when small plane crashes in Melaka

Firefighter te aphual atun ciangin Passenger asilo pen tuinawl ah kimu cihi. Vanlenghawl asi Pilot papen ahihleh vanleng sungah awkcip hi.

Melaka Fire and Rescue Department deputy director Kamarulzaman Mohd Zin zong aphual ah vadelhpah in, ama genkhiatna ah DCA Representative te’n hih vanleng akiatna pen bangci bangin akia cih akician in kancianding uh cihi.

Related: Istanbul Airport ah vanleng kia in tumnih kisuahliang, asi omlo in lamdang kisa

Passenger aliampa pen Muar Hospital ah zatui kibawlding in kipuaksak a, asipa Pilot pen portmortem bawlding in Tangkak Hospital ah kipuak cih kiza hi. Sawltak #zomidaily