Malaysia thongsung aom Kawlgam mite Kanbawza Bank te’n ciahpihding

Malaysia thongsung aom Kawlgam mite Kanbawza Bank te’n ciahpihding

Malaysia gamsung aom kumpi thuneite hongmatsak Kawlgammi te akikepna ahi Camp 11 panin Kawlgammi bekbek akigawm mi 2294 bang om cihi. Tuate Kawlgam ah aciahtheih nading in Kanbawza Bank (KBZ) te nasepna hiangkhat ahi “Brighter Future Myanmar Foundation” panin panpihding cih Irrawaddy News pan kiza hi.

Hih atom in BFM akici “Brighter Future Myanmar” te’n Malaysia Immigration tetawh khutkilen in semkhawmding uh a, MAI Airways (Myanmar Airways International) tezong vanleng bupsaap in Kawlgam mite ciahtheih nading vaihawmding ci ahih manin lungdamhuai mahmah hi.

Kawlgam aciahkhit Yangon atun uhciang in Yangon panin khualah aciahsawn nading aneilo tezong BFM panin mikhat Kawlgamsum teng 1 te lamsaapding in pialaiding cizen uhhi.

Hih BFM makaipinu genna ah “Brighter Future Myanmar” te in India gamsung aom Kawlgammi micimawh 500, Indonesia ah bawlsiat athuak Kawlgammi 514 tezong Kawlgam ah vanleng bupsaap in ciahpih uh cihi.

Hihbangdan mihau mi lungsimhoih Zomi sungah tampi hong omding ngaklah mahmah hangei maw tazen! ZD Sawltak #zomidaily