Malaysia, Telupid ah Motorcycle nih kiphukha in, mi 1 sipah

Malaysia, Telupid ah Motorcycle nih kiphukha in, mi 1 sipah

Malaysia, Telupid District sung aom Jalan Kampung Melapi Telupid kicihna lampi tungah Motorcycles nih kilim phutkhaklua mahmah ahih manin, mi khat si in khatliamgawp cih theSun pan kiza hi.

Asi leh aliam tepen nupa hi uh a, Motorcycle khattung ah atuangkhawm uh ahihi. Adang Motorcycle khattawh aki maiphutkhak uh hi a, asi pen Motorcycle ahawl apasal hi in, aliam pen azi ahihi.

Beluran Police Chief khat ii genna ah asi Motorcycle hawlpa pen alu liamgawp ahih manin aphual ah sipah cihi. Asipa pen kum 47 phakhin hi. Aliam penzong azi hisawnsawn a, kum 43 aphakhin khat ahihi. Aliamma te kibawlding in Sandakan aom Duchess of Kent Hospital ah kipuak cihi.

Wednesday nitaklam 5pm hunpawl in hihte nupa pen akhua panin agamla lualo khuadang khatah vanleiding in apai uh hi a, adang Motorcycle khattawh kimaituah in aki phukha uh ahihi.

Motorcycle adangkhat ahawlpen pasalno kum 26 gualpawl khat hi a, thunei te’n akankhiatna ah zukhamsa in Motorcycle hawl ahih manin, hih Accident apiang hiding ci uhhi. Hih Motorcycle hawl khangnopa ii Blood Sampel kila a, zukham ahihleh ahihloh hoihtak sitcianna keineiding cihi. Amahpen liam ngawhna neilo hihtuak hi.

Asi pen ii aluanghawm pen Beluran Hospital ah Post-mortem bawlding in kipuak cih kiza hi.

More: Malaysia, Penang Bridge tungah Taxi khat meikang in mi 2 si

Zukham ankham khat hangpeuh hangin akisai hetlo in midang te’n sitlawh citciatthei sese hi. Asi ngamin zukhamsa in ahawlte silo a, akidawm mahmah adangte’n athuaksese….. ZD Sawltak #zomidaily