Malaysia Taxi Damiah khat kimanta

Malaysia Taxi Damiah khat kimanta

Malaysia gamsung ah Taxi Damiah om aki cici pen kumpi thunei te’nzong natheita uh a, nung Tuesday ni in Passenger te Damiah ataihzel Taxi Driver khat kima cih theSun te’n genkhia uhhi. Hihpa akimat theih nadingin Passenger atuangkha te’n Report abawlna panin akimanthei ahihi.

Petaling Jaya District Police Chief khat ii genna ah tua Taxi Driver papen kum 27 aphakhinkhat hi a, abeisa Tuesday ni 10:30am hunin ama omna a innzangpan in kimankhia cihi. Hih Taxi hawlpa ii anunungpen Damiah ataihkhakpen Indonesia numeikhat hi a, tuanu pen New Year’s Eve ni in Sri Damansara ah Shopping Mall paidingin Taxi asaap cihi.

Tua Indonesia numeinu pen Canteen Staff khat hi a, alawmte khattawh Taxi atuangkhawm ahihi. Apai nadingmun Selayang Mall atun uhciang in Taxi hawlpa in alawmnu paikhia masasak a, Taxi tungah Indonesia numeinu guak aom laitak in taisuakpih vingveng hi.

Mun gamlapi khatah taipih in, tuapan in asumneih RM1950 leh Indonesia 300,000 Ruppiah te alaksak banah, Passort leh Jewellery aneih khempeuh suakkhiasak in laksakgai hi. Tuapan in Petrol Station khatah akhawl laitak in taikhiathei a, tuapan asuakta ahihi.

Taxi Driver pa ii Identity Card zong naciamteh thei ahih manin, tuatawh Taxi Driver pa aki manthei ahihi.

More: Afghanistan gamsung aom Kandahar ah Bomb puak, UAE Diplomats 5 si

Taxi Damiah pen Malaysia gamsung ah kizathei zelzel a, atuakkha ih omzenzen leh Taxi Number leh ahawl te min hoihtak ciaptehding thupi hi. ZD Sawltak #zomidaily