Malaysia, Subang vengsungah palik khat thautawh kikaplum

Malaysia, Subang vengsungah palik khat thautawh kikaplum

Malaysia, Pinggiran Subang Jaya ah tuni Thursday zingsanglam in palik khat ki kaplum cih theStar pan kiza hi. Tua palikpa pen kum 29 aphakhin khat hi a, amin pen L/Kpl Valentino Mesa kici hi.

Hih palik papen Lance Corporal khat hi a, vengsung ah avilkawikawi “Patrol” in avak kawikawi kici hi. Jalan TP 7/2 aom Pinggiran Subang Jaya Police Station ah akhawl laitak zingsang 3:25am hunpawl in aki kaplum kici hi.

Palik Valentino Mesa papen aki kaplup hun laitak in amahguak Duty ading hi a, Pinggiran Subang Jaya Police Station sungah kikaplum in, silehnai dimzihziah cihi.

Selangor police chief Comm Datuk Mazlan Mansor in agenkhiatna ah palik adangte hih Police Station ah atun uhciang in khuamial lakah silehnai tawh akidiahcip Valentino Mesa pen asisa in kimu cihi.

Police Station sunga meivak “Lighting” teng kikhakcip a, khuamialpi in na omcip cihi. Thautawh khatvei kikap in, alu zong anunglam panin khatvei kizep cihi. Hih palik papen 2010 kumpek panin palik alut ahihi.

Video: Cop shot dead in Subang police station, own firearm missing

Aveng apam aom te’n agenna ah zingsang 2:40am hunpawl in thauging apuakkham agingdan khat kaza uh cihi. Ahi zongin National Day tawh kituak ahih manin, pawlbawl in pawlkhat in losan “fireworks” alawn hilelding ci’n ki awlmawhlo cihi.

Related: Huhna ngenin apai numeikhat palik khatin anawi Photo nazaihsaksim

Kaplup athuak palik pa ii Pistol zong kilaksak, ki muzolo cihi. Palik thunei te genna ah hih akikaplum Valentino Mesa pen ageinai anai mahmah panin aki kaplum hiding in ki ummawh hi. Police te’n athu ala hoihtak in kancian laiding uh cih kiza hi. Sawltak #zomidaily