Malaysia, Shah Alam ah mawtawpi 9 meikanggawp

Malaysia, Shah Alam ah mawtawpi 9 meikanggawp

Malaysia, Shah Alam sung aom Factory khatah tuni Monday zingsanglam in mawtaw golpi 9 khawngtak meikanggawp cih NST pan kiza hi. Shah Alam, Bukit Kemuning sungah tuzingsang 0:50am hunpawl in meikuang akipan cihi.

Selangor Fire and Rescue Department operations management officer Alimaddia Bukri in agenkhiatna ah hih meikatna akitheih ciangin hongki zasak a, Fire Engine khat 1:07am hunin tungpah cihi. Meikuang pen nasia mahmah a, Factory huangsung ah akikoih Lorry mawtawpi honkhat meikanggawp cihi.

Mawtaw akangtum tepen 10-tonne Lorry mawtaw golpi te 7 leh Trailers mawtaw golpi te 2 meikanggawp cihi.

Shah Alam Fire Department te meiphelhding in aphual ah atun ciangin meikuangpen huaisialua mahmahta hi.

Zingsang 2:33am hunpawl ciangbek in meikuangpi pen ki phelhzo a, ahi zongin zingsang 5am hunciangin avekin ki phelhsiangzo taktakpan hi ci’n Selangor Fire & Rescue Department thunei te’n genkhia uhhi.

Related: Yangon thuthang: inn kicim, hotel meikang, gamdangsum tawh kiman

Hih Factory meikatna ahangpen kitheician nailo a, hih meikatna hangin supna bangzahpiang cihte zong ki tuatsan cih kiza hi. Sawltak #zomidaily