Malaysia, Seremban aom vanzuakna khat meikanggawp

Malaysia, Seremban aom vanzuakna khat meikanggawp

Malaysia, Seremban sung aom anteh lohing singgah cihte akizuakna Wet Market khat abeisa Saturday ni in meikanggawp hi. Hih Wet Market pen dawlnih “Two-storey” apha hi a, atunglam panin meikuang akipan ahihi.

Ageinai panin atheikha te genkhiatna ah meikuang pen nitaklam 7:30pm hunpawl in akipan hiding ci uhhi. Atungdawl ah innsung vanzat nektheih tuamtuam, singgah cihte leh paktuamtuam cihte akizuak ahihi.

Atungdawl pen nitaklam pen 5pm hunta in akikhakzel ahihi. Ahi zongin anuaidawl pen nitak 7pm hunpawl in vannawn vanpua in apai Lorry mawtawpi tampi tawh abuaisan mahmah ahihi.

Hih Wet Market in akizang Building pen kum 35 bang aphakhin hi a, meikatna hangin limsiat mahmah in, 80% bang siazancip cihi.

MCA Youth chief Datuk Chong Sin Woon said the Seremban Municipal Council (MPS) in agenkhiatna ah meikatna hangin Wet Market sungah vanzuak Traders mi 327 te azuaknading munkician omlo ahih manin, nawngkaisak mahmah cihi.

Puahphatding pen geelna kinei a, ahi zongin kha 8 panin kha 10 bang ziakaiding hi. Tua hunsung in vanzuak te’n mun awng tengah kizuakthei dinga, inndawl saisaap pen akipuahkik hunsung bangmah piakkulloding hi ci’n genkhia hi.

Video: Massive fire breaks out at Seremban wet market

Tua Wet Market ah Car Parking in akizang muntengpen vanzuakna in kinei sakphotding cihi. Tuamun ah zatpakding in akisam Electric Power leh Water Pipe tezong ki thuahsakding a, ahi zongin Refrigerators azangnuam te’n amau Power Generator apuak kulding hi ci’n genkhia hi.

Related: Singapore meikanglak ah nasem 2 awkcip in, ahunlap in ki honkhiathei

Hih meikangtawh kizom in, Butterworth aom Jalan Jeti Lama ahzong Warehouse meikanggawp in, Kawlgammi 3 liam cihi. Tua Myanmar Nationals tepen Warehouse sungah aom uh hi a, Saturday zingsang 3:15am hunpawl in mei akat ciangin amauzong meikuang in nawkkha cihi. Myanmar mi 2 pen limkat mahmah uh a, adang khatpa pen phadawm zawdeuh hi. Tua Myanmar Nationals acihte uhpen amin apuam bangmah ki pulak khialo hi. Sawltak #zomidaily