Malaysia Ringgit sumtuh azang mi 3 kiman

Malaysia Ringgit sumtuh azang mi 3 kiman

Malaysia gamsung ah sumtuh azangzang gammi numei 2 leh Thai numei 1 kiman cih NST pan kiza hi. Klang, Bukit Tinggi vengsung amau omna Apartment panin nung Sunday zingsang 3am in akiman ahihi. Akiman tepen kum 26 leh kum 37 kikal hi uh a, Malaysia Ringgit sumtuh zangin Smart Phone leh vanhoihhoih leikawikawi uh a, tuapan in aki theikhia cihi.

Sumtuh zatna panin alei uh Printers 2, Smart Phones 9 leh Laptop 1 mankhia uhhi. Tuaban ah sumtuh ahi RM100 laidal bekbek 106 zong mankhia uhhi.

Selangor Commercial Crime Investigation Department pan amakai khat ii genkhiatna ah hihbang in sumtuh azangte pen phone hoihnono, atamman theithei aleina panin aki theikhia cihi. Sumtuh zangin 12 veibang Smart Phone hoihnono leiman uh cihi.

Hih sumtuh zangte pen abeisa kal 2 sungin limzat mahmah uh cihi. Aki theihkhiatna pen Subang Jaya aom numei khatin Police Report abawlna panin akitheikhia, aki mankhia ahihi.

Subang Jaya aom numei khatin Online tungtawn in Smart Phone zuaksawm hi. Tualeh hih sumtuh azangte in kaleinuam uh, tuamun ah kimuni ci’n khua amialna munkhat ah ki muhpih in, tuamun ah asumpia cihi. Smart Phone azuaknu inzong sumtuh ahihlam theilo hi.

Asawtsim khitciang in sumtuh ahihlam khuanung theihpan a, tuaciang in Police Report abawlna panin aki theikhia ahihi. Hihbangdan in sumtuhna kikhemna, kileina pen Subang Jaya, Klang leh Shah Alam sungah 12 veibang omkhin cihi. Asumtang in RM35,000 val manneiding sumtuh tawh kileina om cih kiza hi. ZD Sawltak #zomidaily