Malaysia, Penang ah numeikhat mawtaw ahawl laitak thautawh kikaplum
Malaysia, Penang ah zanni Tuesday (Feb 21) ni in numeikhat mawtaw ahawl laitak ageipan in thautawh kikaplum cih theStar pan kiza hi. Sungai Dua, Taman Pekaka ah nitaklam 5:45pm hunpawl in thupiang ahihi. Tua numeinu pen amin Ruby Lee Poh Ai kici a, kum 49 aphakhin khat ahihi.
Nitaklam anasepna panin aciahkhiat ciangin amahguak BMW mawtaw hawlin aciahkhia ahihi. Motorcycle khattung ah minih atuangkhawm te’n zui uh a, anungah atuangpa in ageinaitak panin thautawh kap cihi.
Penang Police te genkhiatna ah thautawh 10 veibang kikap in, tualak ah 6 vei in kapkha cihi. A awm sungteng kapkha cihi.
Thautang in kapkhakna mawtaw kongkhakman tezong vangsengsang hi. BMW mawtaw ahawllaitak aki kaplum himawk a, asih ciangin a mawtaw in amai ah mawtaw khat phusukkha sawnsawn hi. Tua aphutkhak mawtaw pen four-wheel drive te khat hi a, ahawlpa pen bangmah liamna ngahlo bilbel hi.
Aluanghawm pen Penang Hospital ah Post-mortem bawlding in kipuak a, thunei te’n kancianna nei uhhi.
Tua nupinu pen nitaklam nasep amankhit ciangin aciahkhia hi a, aciahkhiat khitzawh Minute 5 sungin aki kaplum ahihi.
Woman killed in close-range gunshot attack
Penang Police te upmawhna ah hih athat mi 2 te in apualam panin aciahding ngakgige uh hiding ci uhhi. Tua numeinu nasepna pen Shipping and Logistics Industry khatah asem hi a, nasepna Office panin aciahkhiat lianin Motorcycle khattawh mi 2 in zuipah a, Minute 5 sungin akaplupziau uh ahihi.
Akaplum khitciangin tua Motorcycle tawh taimang uhhi. Penang Police te’n hihpen Gangster tetawh kizopna omloding hi ci uhhi.
More: Malaysia Setapak Traffic khawlna ah mikhat kikaplum
Pawlkhat in tua numeinu pen agai laitak hiding ci’n Social Media tungah zanni in kizel kawikawi a, ahi zongin Police te’n gaituakkei ci’n genkhia uhhi. Nungkum inzong July khasung inzong Malaysia gamsung, Setapak vengah Traffic Light ngakin akhawl mawtaw hawlkhat kikaplumziau mawk hi. ZD Sawltak #zomidaily
Comment piaknop aomleh...