Malaysia, Penang ah naungek suakcil khat ekbuk sungah ki nusia

Malaysia, Penang ah naungek suakcil khat ekbuk sungah ki nusia

Malaysia, Penang Island sung aom Balik Pulau kicihna khuakhatah naungek suakcil khat ekbuksung ah asisa in ki nusia cih theStar pan kiza hi. Gertak Sanggul Beach kici tuipi piaudung gei aom anzuakna saigei khat ii ekbuk sungah akimukhia ahihi. Naungek pen asuakcillian hileh kilawm a, alaigui zong kitankhialo in kizomsa in omlai cihi.

Security Guard khat ii genkhiatna ah piaudung ah Sea Shells peuh tawmin ka omlaitak hongki zasak hi. Aphual katun ciangin naungek suakcil khat ekbuksung akiau khatah kikoihziau kamuh ciangin khasiat huai mahmah hi. Naungek pen puansia neng cikhatbeek tawh kituamlo in, ekbukkiau ah kikoihzia a, mulkimhuai mahmah hi ci’n Seucirty Guard asem kum 24 aphakhin ahi Mohd Zuhairi Mohd Shamri in genkhia hi.

Hih naungek suakcil pen pasalno hi a, tua Security Guard pa in Police te zasakpah cihi.

Anzuakna sai neinu inzong atheih ciangin aphual ah delhpheipah a, khasiatpih mahmah hi. Amanpha mahmah nuntakna khat kisuplawh aive maw. Anu apa te’n adeihkei uhlehzong midang khatpeuh kemsakzawleh hoihmahmahding hiven ci’n genkhia hi.

Keizong ka tanu golta ahih manin, naungekdang kepding phamawh sahetlo hiveng ci’n kum 35 aphakhin anzuaknu in genbeh hi.

Hih naungek luanghawm pen Balik Pulau Hospital ah Post-mortem bawlding in kipuak a, Police te’n hihbangin naungek anusia kuahiam cih kankhiatding hanciam mahmah uh cih kiza hi.

More: Yangon, Tamwe ah naungek suakcil akipaai khat ahing in kimu

Zanni mahmah inzong Kawlgam, Yangon khuasung ah naungek suakcil khatmah ninpaihna ah kipai cimawk hi. ZD Sawltak #zomidaily