Malaysia, Penang ah mawtaw khatin singkung phukha in meikuang, mi 1 si

Malaysia, Penang ah mawtaw khatin singkung phukha in meikuang, mi 1 si

Malaysia, George Town sung aom Tun Dr Lim Chong Eu Expressway kicihna lamzikpi tungah tuni Sunday (Mar 05) ni in mawtaw khatin meikuang in asungah mikhat si cih theStar pan kiza hi. A mawtaw pen Proton Saga FLX te hi a, singkung khat phukha in, mei akuang hiding in ki ummawh hi.

Hih tuahsiatna munpen Malaysia Highway Authority Penang te zummailian ah ahihi. George Town palik te genkhiatna ah mawtaw sungah asipen Oh Chun Guan kici minnei khat ahihi. Mawtaw sungah amahbek atuang hi a, mei akatgawp ciangin paikhiatheilo hidinghiam atutna mahah kanglumsuak cihi.

Thunei te genkhiatna ah hih Driver papen mawtaw hatlua in lenkik zolo, Control zolo ahih manin, singkung ataihkha hiding a, tuapanin meikuang akipan hiding ci uhhi. Driver papen atutna mahah tusa in mei akang ahihi.

Fire and Rescue Department te genna ah zingsang 7:54am hunpawl in tuahsiatna Accident om ci a, hongki zasak cihi. Aphual ah Minute 5 khitciang in kitungpah a, ahi zongin meikuangpen daita cihi.

Nungdiak mahmah inzong Penang Bridge tungah Taxi khat meikang in mi 2 in sihlawh uhhi.

More: Malaysia, Penang Bridge tungah Taxi khat meikang in mi 2 si

Tutung mawtaw sungah akanglum Driver pa ii aluanghawm pen Penang Hospital ah Postmortem bawlding in kipuak pahhi. Hih tuahsiatna pen “Reckless Driving” in ki ciamteh hi. ZD Sawltak #zomidaily