Malaysia gambup ah Operasi kibawl kawikawi, mi 500 val kimankhin

Malaysia gambup ah Operasi kibawl kawikawi, mi 500 val kimankhin

Malaysia gamsung ah “3+1 Amnesty Programme” abei khitzawh akipan gambup Operasi kipanpah ziahziah uh a, tuciangciang akigawm in gamdangmi 500 valbang ki mankhia khinta cih theStar pan kiza hi. 3+1 Amnesty Programme kici hehpihna hunpen August khabei tawh abeikhawm hita hi.

Malaysia Immigration Department panin alianpenpenpa ahi Director-general Datuk Seri Mustafar Ali in agenkhiatna ah gamdangmi limlim thusitna akibawl pen mi 5000 valbang hi a, tualak panin Malaysia gamsung ah omtheih, naseptheih nadingin phalna kician aneilo illegal mi 500 tepen aki mansuak ahihi ci’n genkhia hi.

3+1 Amnesty Programme pen ahun beisa, hehpihna hun beita ahih manin aki gensa, aki tangkosa mahbangin phalna neilo gamdangmi “illegal immigrants” te abengkhia dingin aki kuankhia ahihi ci’n genbeh hi.

Tuaban ah 3+1 Amnesty Programme pen ahun ki khinto cihbang omloding, Deadline ahunpen Extension kibawlloding ci’n Sepang ah “Ops Mega 3.0” cih minvawh in Operasi akibawlna Factory khatah Reporters tetung Datuk Seri Mustafar Ali in genkhia hi.

Ops Mega 3.0 akicipen Malaysia gambup Operasi nasiatak in akibawl hi a, August 31 zankim akipan akipanpah ahihi. Hih Operasi bawlna alawhcin nadingin Malaysia gamsung aom kumpi nasem Enforcement Personnel khempeuh kihel in aki bawlkhawm ngeingai ahihi.

Hih bangin Ops Mega 3.0 akibawlma in phalna neilo gamdangmi te Amnesty Programme ci’n hehpihna hun sawtpi aki piakhin hi a, tuahunsung in bangmah athudonlo teng aki mankhiading ahihi ci’n genbeh hi.

Sepang aom Glove Factory khatahzong Operasi nasiatak in lut a, nasem bekbek akigawm in mi 1500 bang thusitna kinei hi. Tualak ah mi bangzah in naseptheih nading Permit nei in, bangzah kimansuak cihpen pulakkhiatna omnailolai hi.

Immigration makaipipa in agenbehna ah hih “Ops Mega 3.0” akici Operasi pen tawmveisung “Shot term” akisempakding hilo hi. Malaysia gamsung ah phalna neilo gamdangmi tamlua mahmah ahih manin, gammi te ii ngetna leh lunggulhna tawh kizui in tua phalna neilo gamdangmite avekin asiandong Operasi bawlsuaksuak in akimanding ahihi.

Malaysia gamsung ah gamdangmi nasemding “Foreign workers” pen tampi kisam cih kathei uhhi. Ahi zongin gamdangmi te hih Malaysia gamsung ah na aseptheih nadingin Work Permit kisam hi. Bangmah laidaltawi kician neilo in septheih omlo hi cihzong Press Conference ah mipi theihcianding in genkhia hi.

Immigration ulianpenpa in agenbehna ah abeisa January 01 panin August khadong Immigration Department te’n Malaysia gambup ah Operasi akibawm in 9527 vei bawlkhin uh a, gamdangmi bekbek akigawm in mi 116,927 te thusitna nei uhhi. Tualak ah gamdangmi phalna kician aneilo mi 29,177 te kimansuak uhhi ci’n pulakkhia hi. Sawltak #zomidaily

Video: Immigration department director-general Datuk Seri Mustafar Ali said more than 500 illegal immigrants have been rounded up since the end of the 3+1 amnesty programme.

Malaysia kumpi phalna tawh aciahkhin mi 840,00 pha, August 30 dongbek ki ciahtheilai

Malaysia gamsung ah Immigration Department te’n Embassy tungtawnin ciahtheihna “3+1 Amnesty Program” cih hong patkhiatpen 2014 kumpekpan hita hi. Tua 3+1 Amnesty Program akipatcil akipan tukha August 01 ni ciangdong hih Program tungtawn in Malaysia pan amaugam ciatciat ah akiciahsak, aki puakkik gamdangmi “illegal immigrants” mi 840,000 phakhinta hi ci’n Immigration Department te’n pulakkhia uhhi.

Tuabangin 3+1 Amnesty Program tawh gamdangmi te aciahsakding uhciangin Malaysia gamsung ah phalna neilopi in aomna hangin liausum piasak masa uhhi. Myanmar gammi te atamzaw pen 3+1 Amnesty Program tawh aciahding ciangin Immigration ah RM500 kiim liausum kipia khathei zelzel hi.

Tuabangin 3+1 Amnesty Program tawh aciahding te liausum apiaksakna panin asumlut bekbekzong RM400 Million phakhinta hi ci’n Immigration director-general Datuk Seri Mustafar Ali in pulakkhia hi.

Tua 3+1 Amnesty Program pen tukum August 30 ni ciangin ahun abei taktakding hita hi. Tua ahih manin, Malaysia gambup aom phalna neilo gamdangmi te atawpna penpen amauleh amau hongki ap nuam aomkhakleh ci’n zumkhakni sani nipi “Weekend” nite nangawn in Immigration Counters ki honsak hi ci’n Immigration ulianpipa in genkhia hi. (With the amnesty programme ending on Aug 30, he said Immigration counters nationwide would remain open on weekends to facilitate the last-minute surge in the number of illegal immigrants expected to surrender themselves.)

Tuapen anunung penpen “last chance” taktak hitading hi. Amnesty cihpen suahtak sakna hi a, amauleh amau agam ah ciahdingin hongki ap tepen bangmah kimat kihen omlo in, agam ah aki ciahsak ahihi.

Tuabangin aciahtheih nadingin liausum RM300 bek kipiasak in, tuakhit ciangin Special Pass a ngahtheih nadingin RM100 ki piasak hi. Ahi zongin agam uhah aciahnading lamsaap “Transportation Cost” pen amauleh amau apiakkul hi. Tua lamsaapding aneilo tepen agamciat ii Embassy ahih keileh ameltheih tanau te’n apiaksakding uh ahihi ci’n Immigration Director in genbeh hi.

Azenzen in tuabangin Amnesty Program tawh aciahlo, phalnalah aneituanlo “illegal immigrants” tepen August 31 ni akipan nasiatak in Operasi kibawlding hi, “large-scale operation would be conducted” ci’n Immigration ulianpenpa in Warning piakna neikhia hi.

3+1 Amnesty Program abeini Deadline pen ki khinto loding, Extension kibawl loding hi. August 31 ni pen Malaysia gam ii suahtakni “Merdeka Day” tawhzong kituak citciat a, Malaysia gamsung panin phalna neilo gamdangmi “illegal immigrants” te siansuahni, gamsung siansakni ‘merdekakan’ (liberate) in kizangding hi ci’n Putrajaya aom Immigration Department Headquarters ah akibawl Press Conference ah Immigration director-general Datuk Seri Mustafar Ali in agenkhiat ahihi.

Ahi zongin gamsung siansuahna “Crackdown” pen August 31 ni tektek kingakngak nawnloding hi. Abeisa July 01 ni akipan “Ops Mega 3.0” cihpen akipankhin hi a, tuciangciang phalna neilo gamdangmi “illegal immigrants” akigawm in mi 5444 kimankhia khinta hi. (However, the department is not waiting until Aug 31 to begin its crackdown as its Ops Mega 3.0, which started July 1, has already seen 5,444 illegal immigrants arrested so far.)

July 01 ni akipan Malaysia gambup ah akigawm in Operasi 1785 vei kibawlkhin a, gamdangmi akigawm in 20,850 te thusitna kinei khinta hi. Tualak ah mi 5444 akimansuak uh hi a, nasemte bekthamlo, nasep aguan Employer (Boss) tezong akigawm in mi 135 kimankhinta hi.

Abeisa in Malaysia gamsung aom gamdangmi te Legal takin naseptheih nadingin E-Card “Rehiring Program” kibawlsak a, tuapen June 30 ni in abeikhin ahihi. Tu’n hih Amnesty Program zong August 30 ni ciangin ahun abeiding hileuleu hi. Hih Rehiring Program leh Amnesty Program cihtepen bawlhunding ahun akicingtak in akipiakhin hi a, aki ciangtansa ani atun ciangin Deadline khintoh omnawnlo dinghi cihi.

More: Gamdangmi nasem te hongki ap un, na liausumding uh tawmzawding hi

Malaysia gamsung ah Immigration Department te’n hihbangin gamdangmi nasem te thusitna neigawp in amatgawp uhpen pawlkhat NGO leh kipawlna te’n mawhsak mahmah uhhi. Ahi zongin Immigration Director in agenkhiatna ah ka Officers te’n asepding uh Duty asem uh ahihi. Hih phalna kician aneilo illegal immigrants te sungah miginalo, suzuak, guta damiah tampitak om uhhi ci’n genkhia hi. Sawltak #zomidaily