Malaysia Monorail Service kisia in Titiwangsa Station pan kumkhiat kul

Malaysia Monorail Service kisia in Titiwangsa Station pan kumkhiat kul

Malaysia, Kuala Lumpur khuasung kikawmna in akizang meileng Monorail Service pen tuni 3:20pm hunin siacip (Technical Glitch) ahih manin, Titiwangsa Station pan Passengers te ki pusuah khiasak cih NST pan kiza hi.

Monorail meileng pen nuakcip in lamkal ah khawlcip cihi. Meileng anuakcip ciangin Chow Kit Station paninzong meileng Coach adangkhattawh Titiwangsa Station ah kidelhpheisak a, anunglampan sawnding ci’n akisin hangin awkcip ahih manin kisawntheilo hi ci’n Bernama in genkhia hi.

Tua asiacip meileng Coach tepen puahphatkik dingin Brickfields Depot ah kipuak cihi.

Monorail Service pen nitaklam 4:14pm hunciang in kipankik theipan ahih manin khuasungvak mite adingin nawngkaisaktuam mahmah hi. Meileng Coach nihte zong kizangthei nawnlo suak ahih manin, meileng ziakaisaktuam mahmah hi.

Monorial Company panin asiate akheknading in adang Coach hongpuakbehding kici hi.

Monorail meileng zatpen lemvetlo ahihna Passenger Ana in hihbang in genkhia hi. Tuni nitak 3:20pm hunin Kuala Lumpur Sentral Station panin Chow Kit Station kapaisawm hi a, ahi zongin ziakailua mahah ahih manin, Bukit Bintang ah ka tuakkhia hi.

More: Malaysia gamsung ah khamtheih zatuizuak Kawlgammi 5 kiman

Katuanzawh Tun Sambanthan Station khatbek tungpan in khawlcip a, tawlpikhat khitciang paikikpan in Miharja Station ah ziakaizawlai leuleu hi. Tuakhit ciangin meileng setsia cih hongki tangko sawnsawn in, Bukit Bintang kantun petpetciang tuangsuak nawnlo in kakummai ci’n genkhia hi. ZD Sawltak #zomidaily