Malaysia gamsung aom McDonald’s te’n Israel ka panpihkei uhhi ci’n nial

Malaysia gamsung aom McDonald’s te’n Israel ka panpihkei uhhi ci’n nial

Malaysia gamsung aom mipi pawlkhat in “McDonald’s Malaysia” te’n Israel panpih uhhi ci’n mawhsak uhhi. McDonald’s te ii company bulpi pen USA, California, San Bernardino City panin hongki pankhia hi a, US gamsung aom company bulpi te’n Israel panpih, Jerusalem pen Israel gam ii khuapi in ciaptehpih uhhi.

Tusung leitungin abuaipih leh alunglut mahmah ahi Jerusalem huhau in “McDonald’s Malaysia” te’nzong Israel panpih uhhi, Boycott ding hihang ci’n Malaysia gamsung aom mipi te’n lungphona, lungkimlohna alahsawm uh ahihi.

Hihvai tawh kisai in “Local Operator of McDonald’s Malaysia” ahi “Gerbang Alaf Restaurants Sdn Bhd” kici company te’n gencianna nei uhhi. Kopen gamvai leh biakna “Political or Religious Conflicts” khatpeuh tawh ki sawhkhakna neilo in, kihelna zong omlo hi ci’n pulakkhia uhhi.

McDonald’s Malaysia panin thunei ahi Gerbang Alaf Restaurants managing director Azmir Jaafar inzong hih Israel panpih hi ci’n ki ngawhna pen thumanlo hi a, ki mindaisak nopman in Defamatory hongkibawl hi ci’n genkhia hi.

Malaysia gamsung aom McDonald’s pen “Gerbang Alaf Restaurants Sdn Bhd” kici Local Company khat ii khutnuai ah akizuak, Operate hi a, 100% locally-owned company khat ahihi. Shareholder atampenpen zong Muslim te ahihi ci’n Statement ah pulakna khahkhia uhhi.

Hihbangin thumanlo aphuangkhia Party tepen Defamatory tawh thu kibawlthei hi. Thumanlo agenkhiat akhawlkei uhleh thukhun, thukham ombang in thu kibawlsak dinghi ci’n genbeh hi.

Malaysian gammi khat kahihna uhtawh tulaitak leitungbup aom Muslim khempeuh in Jerusalem vai lungkimlo cihpen kozong kathei uhhi. Ki pumkhatzaw in hih thubuaina hangin athuakkha te adingin thu ngetsak khawmding hihang ci’n McDonald’s Malaysia thuneipa’n genkhia hi.

More: McDonald’s te’n Malaysia gamsung ah Outlets 200 honbehding

Abeisa Wednesday (Dec 6) ni in US President Donald Trump in Jerusalem City pen Israel gam ii Capital khuapi in ka theihpih uhhi ci’n apulakna hangin, Malaysia gamsung aom McDonald’s nangawn in abuailawh ahihi. Sawltak #zomidaily