Malaysia, Kuching Airport ah vanlengkhat lampialkhia, asi aliam omlo

Malaysia, Kuching Airport ah vanlengkhat lampialkhia, asi aliam omlo

Malaysia, Kuching International Airport ah vanlengkhat akumsuk laitak in vanlengtual atainading in akibawl Runway panin pialkhia cih theStar pan kiza hi. Hih vanleng pen Mukah khua panin Kuching khua zuanin alengkhia hi a, hih vanleng sungah Sarawak Minister khatzong kihel cihi.

Tua Sarawak Minister akihel pen State Welfare, Community Wellbeing, Women, Family and Childhood Development Minister Datuk Seri Fatimah Abdullah kici hi. Zanni Sunday nitaklam in vanlengtual apualam ah akumsuk laitak in apialkhia hi a, asi aliam kuamah omlo uhhi.

Ahi zongin tua vanleng “Hornbill Skyways Beechcraft 20” lampial khiatna hangin vanlengtual pen tawmveisung Operation ki dinkhawlsak hi. Kuching Airport ii Fire & Rescue Control Tower panin 500m bang agamlatna ah apiakhia ahihi.

Tabuan Jaya Fire and Rescue operations chief ii genkhiatna ah hih vanleng pen Beechcraft 20 kici a, Hornbill Skyways Sdn Bhd te neihsa hi in, Mukah khua panin Kuching khua alenlaitak hihbang in apialkhia cihi. (Hih vanleng aneipen Sarawak lamte hi a, Company minzong Vaphual “Hornbill” mah cipah uhhi)

Malaysia Airports Holdings Bhd senior manager Mohd Nadzim Hashim ii genkhiatna ah hih vanleng hepkhiatding pen ahun tawlkhat latheiding ci a, azawhsiang mateng in tua Kuching International Airport pen khakcipsak photding uh cihi. Hih vanlengtual ah atuding adang vanleng tepen Sibu Airport ah tupheisakphot uhhi.

Related: India, Mumbai vanlengtual ah buainawigawp in vanleng khat awkcip

Nungdiak inzong India, Mumbai ah vanleng khat guahtui tamluatna hangin vanlengtual sung buanlak ah awkcip ciliang hi. Saturday ni inzong Japan, Osaka City panin Netherlands, Amsterdam City zuanin alengkhia KLM Royal Dutch Airlines khatzong vandawn ah alenlaitak akha “Wing” atuamna athemkhat kiasuk in mawtaw khat dengsiagawp cimawk hi. Sawltak #zomidaily