Malaysia, Kuala Lumpur leh Port Klang kikal atailai KTM meileng khat lampi panin pialkhia
Malaysia khuapisung kikawmna in akizang ahi KTM meileng pen Kuala Lumpur Station ah lampialkhia “train derailed” cih NST pan kiza hi. Tua KTM meileng lampial khiatna hangin Keretapi Tanah Melayu Berhad (KTMB) te ii meileng Services khempeuh atawmpen Minute 15 bang ziakai tuamding hi ci’n thunei te’n genkhia uhhi.
KTMB spokesman khatin agenkhiatna ah tua atuahsia, lampialkhia KTM meileng pen Kuala Lumpur panin Port Klang zuandingin apailaitak in sunkimkhit 12:57pm hunpawl in lampialkhia cihi.
KTM Komuter leh ETS Services khempeuh pen aki Cancel bel omlo a, ahi zongin atawmpen minute 20 panin minute 30 bang ziakaiding kici hi.
Video: All Keretapi Tanah Melayu Berhad (KTMB) services will be delayed at least 15 minutes after a train derailed at Platform 4 of the Kuala Lumpur station
Hih meileng tuahsiatna, lampialna ahang taktakpen kitheician nailo a, aki kanciansan laitak hi ci’n Spokesman in genkhiatbeh hi.
KTMB Statement akhahkhiatna ah Kuala Lumpur Station aom Platform 3 pen kizangtheilai ci a, ahi zongin meileng lampial in lamzikpi khat khakcip pahlian hi.
KTM Berhad panin mipi te tungah nawngkaina khempeuh hangin thumna nei uh a, Repairs Works zong aki sepsan laitak hi. Ahunhun in Social Media panin Update ki khahkhiading hi ci’n genkhia uhhi.
More: US, Washington State ah meileng tuahsiat, mi 3 si, 100 val liam
KTM Komuter tepen minute 20 panin minute 30 sungbang ziakaiding a, ETS Service tepen minute 15 panin minute 20 sungbang ziakai khatheiding hi ci’n Statement ah genkhia uhhi. KTM meileng tepen tuahsiatna kizathei zelzel hi. Sawltak #zomidaily
Comment piaknop aomleh...