Malaysia, Klang Valley sungteng Monday ni tui pailoding

Malaysia, Klang Valley sungteng Monday ni tui pailoding

Malaysia, Klang Valley sung aom veng 814 sungteng ah hongtungding Monday (Dec 19) niciang in puahphatna Maintenance Service neiding uh ahih manin, tui pailoding cih Rakyak Post pan kizasawn hi. Hulu Selangor, Bukit Badong aom Tenaga Nasional Bhd (TNB) Main Entry Substation ah puahphatding akisamteng Maintenance bawlding uh ahih manin, tui asiading ahihi.

National Water Services Commission (SPAN) thuneite genkhiatna ah Monday ni nai 16 sung tuisiading cihi. Sungai Selangor aom tuisiansuahna Water Treatment Plants ah puahphatna kibawlding ahih manin, hihhang in Klang Valley sungteng tui asiatlawhding ahihi.

Tuapen Monday zingsang 8am pan kipanding a, zingkim 12am dong, nai 16 sung akizom in siacipsuakding, tui paivetloding cihi.

Hihhang in nawngkaina apiannading pen Klang Valley sung aom 60% bang hiding a, avengkuam in cileng Petaling, Klang, Shah Alam, Gombak, Kuala Langat, Hulu Selangor, Kuala Selangor, Kuala Lumpur cihmunteng ah tui pailoding hi.

Hih Water Treatment Plants te ah kumthum ciangin khatveita hihbangin puahphatna, etcianna Maintenance Service abawlzel uh ahihi.

Tua ahih manin hih hunsungteng tui zatding kholsa in neihkholding thupi dinghi. Athu ala Update akician in na etnop uhleh hih website www.syabas.com.my paninzong ki Check theiding hi.

Hoax News (zuau thuthang):

Zingciang Sunday (Dec 18) ni 10am panin 5pm hunsungteng Malaysia gambup Electric mei siacipding cih thuthang kigensawnsawn khat om a, tuapen Tenaga Nasional Berhad (TNB) te’n thuman hilo, Hoax News hi ci’n genkhia uhhi. Upding hilo hi. Electric meivai tawh kisai akician in na theihnop uhleh amau ii website www.tnb.com.my ah ki encianthei hi.

More: Pasian tung panin theihding sinna (Lessons)

Zomi sungahzong UN vaikhawng zuau thuthang omtheizel hi. Thuthang khatpeuh aom ciangin na upphat keileh hong luankhiatna kancian masaphot in. Zuau khemngeisa te’n thumanlo gending hamsa sanawnlo uh ahih manin, hongkhemkik zelzelding uhhi. Na muanpenpen tektek te mahin hongkhem dinghi. Ki dawm in. UN vai akician in natheih ciannop taktakleh UNHCR zumpi sungah asem Zomi kamphen tampi omhi, tuate dongzaw in. ZD Sawltak #zomidaily