Malaysia gamsungah GrabCar aki zattheihna khuapi 4 kibehlap

Malaysia gamsungah GrabCar aki zattheihna khuapi 4 kibehlap

Malaysia gamsung ah GrabCar aomzawh adangdang Taxi Service te kizang nawnlo in, GrabCar vive kilimzat mahmah hi. GrabCar te’nzong nasep khanbeh uh a, Malaysia gamsung ah khuapi 4 sungah GrabCar ki zangtheiding ci’n Service khanbeh uhhi.

Malaysia gamsung ah GrabCar akizattheih nadingin akibehlap khuapi 4 tepen Ipoh, Kuantan, Kuching leh Seremban City te ahihi. Abeisa in Malaysia gamsung aom khuapi 5 sungbek ah GrabCar akizangthei hi a, tu’n Cities 4 kibehlap ahih manin, Cities 9 ah aki zangtheiding hita hi.

Zanni in GrabCar Company panin tangkona aneihkhiat kawm un, GrabCar ii ngimna ahi khuasungah mikhempeuh adingin kikawmna Transportation zatnuamsakding cih a ngimna uhzong pulakkik uhhi.

Ipoh, Kuantan, Kuching leh Seremban City sungteng ah March 15 ni akipan GrabCar ki zangtheita hi ci’n Grab Malaysia Country Head Sean Goh in pulakkhiatna neikhia hi.

Abeisa in GrabCar pen Klang Valley, Penang, Johor Baru, Malacca, Kota Kinabalu cih Cities 5 sungbek ah aki zangthei ahihi.

Malaysia Country Head Sean Goh in agenbehna ah hih aki khanbeh khuapi 4 te ahzong akizangzangsa GrabCar Service temahtawh kibangin Safety Aspects pen limtak in ki hanciam hi. GrabCar Driver te ii Background hoihtak in Checking kibawlden hi. Tuaban ah Drivers leh Passengers te adingin “Group Accident Insurance” Policy zong kibawlsak hi ci’n genkhia hi.

More: GrabCar nazat veve, GrabShare tawh Booking lecin sumbei 30% phatuamding

GrabCar pen aki zattheihna khua akibehlapna lopna in tua khua 4 tengah zattheihding Promotion zong tangkona nei uhhi. March 15 panin 31 kikalsung GrabCar Booking nabawl ciangin “HIGRAB5” cih Promo Code nazatleh RM5 hongkhiamding (Discount) uhhi. Hih Promo Code “HIGRAB5” pen mikhatin 10 veiciang ki zangtheiding cih kiza hi. ZD Sawltak #zomidaily