Rembau, Port Dickson, Seremban, tampin sungteng ah zingciang Tuesday ni akipan nai 24 sung tui pailoding ci’n Syarikat Air Negeri Sembilan Sdn Bhd (SAINS) te’n genkhia uhhi. Hih hunsung in tui Pipe te siansuahna, puahphatna leh athak akisamteng bawlphatna neiding uhhi.
Veng khatlehkhat tuisiat hunding pen kibanglo hi. Rembau District sungteng ah zingciang Tuesday zingsang 8am panin Wednesday zingsang 8am dong tui pailoding hi ci’n SAINS public relations chief Norzita Ismail in tuni Statement sungah genkhia hi.
Seremban sung ah ahihleh zingsang 10am pan azingciang 10am dong pailosuakding cihi. Tua Seremban sung ii huamkhakpen Bandar Seremban, Temiang, Templer, Lobak, Jalan Labu Lama, Rahang, Rasah, Batu 1-9 Jalan Kuala Sawah cih sungteng hiding hi.
Tampin sung ii huamkhakding tuisiat nading tezong Jln Gemas, Jln Mahkamah, Tmn Molek, Rumah Rakyat Gemas, Tmn Desa Permai Gemas, Tmn Gemas Jaya, Tmn Sahabat, Tmn Sentosa, Tmn Gemas Setia, Tmn Desa Bakti, Rumah Murah Gemas, Tmn Damai Gemas cihteng ahihi.
Hih atung a vengsung teng ah na omkhak leh tuisiatding ki gingkholsa in na omkingkeng kulding hi. ZD Sawltak #zomidaily
Comment piaknop aomleh...