Malaysia gamsung aom Monorail meileng khat meikang

Malaysia gamsung aom Monorail meileng khat meikang

Zanni Monday ni in Malaysia gamsung aom Monorail meileng Station khat ahi Titiwangsa Station ah meileng khat meikang cih NST in genkhia hi. Zingsang 8.05am hunin thupiang hi a, Sentul Fire and Rescue Station te ki zasakpah hi.

Sentul Fire and Rescue Station Chief Zahari Mohamad in agenkhiatna ah hih Monorail katvai pen phone tawh hongki zasak ahih manin kadelhpah uh cihi. Titiwangsa, Sentul leh Hang Tuah aom Fire Station panin meiphel dingin Firemen mi 22 te in hongdelhpah uh a, hong phelhpah uhhi.

Monorail meileng ii anuai lampan in mei khuziahziah a, meileng tungah kuamah omnawnlo hi. Meileng asiat atheih ciangin meileng hawlpa in Passengers teng tuakkhiasak a, tuakhit ciangin meikat akipan ahih manin, Passengers te bangmah hilo bilbel hi.

Meiphel te in hih Monorail katna hangin Minute 30 sungbang buaipih uh a, adang bangmah lawhman samlo hi.

Rapid Rail Monorail Line pan Spokesperson khat ii genkhiatna ah meileng apei in akizang ahi Rubber Tyre panin meikat akipan ahihi ci’n genkhia hi. Passengers kuamah aliam abai omlo cihzong Official in pulakkhia uhhi. ZD Sawltak