Malaysia gamsung ah IS migilo tetawh akizom mi 4 ki mankhia

Malaysia gamsung ah IS migilo tetawh akizom mi 4 ki mankhia

Malaysia gamsung ah August 02 leh September 17 kikalsung in Police te’n migilo ngongtatna Terrorism naseptawh akizom mi 4 mankhia uh cih CNA News pan kiza hi. Tua akiman mi 4 te lakah mi 3 tepen gamdangmi vive ahi uhhi.

Gamdangmi khatpa pen Bangladesh gammi hi a, Malaysia gamsung ah annsai Restaurant aneikhat ahihi. Hihpa pen International Terror Groups tetawh kzom in Malaysia gamsung ah thauvui thautang asimlutpihzel khat ahihi. Tuahangin leitungbup palik kipawlna Interpol inzong “Red Notice” apiaksa khat ahihi.

Adang gamdangmi khatpa pen Nepal gammi hi a, Malaysia gamsung ah gualnop gamtatna Entertainment Outlet khat amakaih ahihi. Hihpa pen Travel Documents tawh kisai laidal, passport cihte bawltawmziauziau in, International Terror Groups te zatding in vaihawmsak ziauziau ci uhhi.

Adang gamdangmi khatpa leuleu pen Morocco gammi hi a, IS ihcihcih Islamic State tetawh pawlmikhat hiding in aki ummawhkhat ahihi. Nunglam in Syria gamsung ah simlutsawm a, ahi zongin Turky kumpi thunei te’n namancip ngeikhin uhhi.

Malaysia gammipa ahihleh sumbawl mihau mahmah khat ii mawtawhawl “Personal Chauffeur” nasep asemkhat ahihi.

Hihpa pen Syria gamsung aom Malaysia gammi IS makai minthang khattawh kizomding in ki ummawh hi.

Migilo tepen gamtuamtuam pan hi uh a, nasepzong kibang hetlo uhhi. Ahi zongin hihteng ii ngimna pen nakibangkha uh a, ahi zongin ahunlap in kiman uh ahih manin, alungdamhuai cihding ahihi. ZD Sawltak #zomidaily