Hih atung limsung a palik bupa genkhiatna ah abeisa Friday ni akipan tunidong ninihsung bekbek in Malaysia gamsung ah IS migilo galkap ihcihcih Islamic State (IS) Militants mi 7 tak kimankhia cihi.
Palik bupa minpen Tan Sri Khalid Abu Bakar hi a, Inspector-General of Police panmun tawh Malaysia gamsung ah tulaitak IS migilo te bengin abuai mahmahkhat ahihi.
Akiman IS migilo mi 7 tepen Johor, Kedah, Pahang, Selangor cih State tuamtuam pan hi a, migilo betsiam mahmah ahi Bukit Aman Special Branch Counter-Terrorism Division panin palik te matkhiat ahihi.
Ih zakzaksa mahbang in Malaysia gamsung pen IS migilo te ngongtatding aki pautau mahmah laitak hi a, gamsung muntuamtuam ah Special Operations abawlna panin Friday ni leh tu kikal in mi 7 amankhiazo uh ahihi.
“Congratulations to the Counter Terrorism Division” ci’n palik bupa in ama Tweeter Account tungah amankhia te pahtawina genkhia hi. ZD Sawltak #zomidaily
Behlapna:
Hih migilo mi 7 te amatna panin thautang Bullets 30 val zong mankhia uhhi. Malaysia gamsung mipi gamtatna Public Area te ah a gitloh gamtatsawm vive uh nahimawk hi.
Tuaban ah hih akiman mi 7 te ii nasep pen Hotel Assistant Manager, Security Guard, Laboratory Assistant, Cendol Seller cihkhawng nahi a, mipi lakah kuama theihlohkal in ana kihelsim khinkhianden uh ahihi.
Comment piaknop aomleh...