Malaysia Dungun District sungah mawtaw thum kiphukha, mikhat si

Malaysia Dungun District sungah mawtaw thum kiphukha, mikhat si

Malaysia, Kampung Tanjung Pagar ah Friday ni in Proton mawtaw neu khatleh Trailer mawtaw golpi te khak kiphukha ahih manin, Proton mawtaw hawlpa in sihlawh cih NST pan kiza hi. Tua Proton Wira mawtaw hawlpa pen kum 49 aphakhin Mohd Yashim Ali kici minnei khat ahihi.

Mohd Yashim Ali pen Friday ni gammi te thungetni ahih manbangin ageinai aom Mosque khatah thungending in apai hi a, Jalan Kuantan – Kuala Terengganu tungah Trailer mawtaw golpite khattawh ki maiphutkha cihi.

Ageinai pan amukha te genna ah Proton Wira ahawlpa pen lamzik alanglam taklamsang ah talpheikha ahih manin alanglam pan Trailer mawtaw pikhat in phukhapheipah cihi. Tuapan in tamveipi aki peigawp khitciangin anunglam aom Perodua MyVi mawtaw neu khattawh ki phukha leuleu hi.

Proton Wira mawtaw pen amailam zancip zihziah a, mawtaw hawlpa zong asung atutna ah ki nencip in atuahsiatna aphual mahah sun 1:25pm hunin sipahhi.

Dungun Fire and Resuce Station pan thunei khat ii genna ah sun 1:30pm hunin tuahsiatna om ci’n Distress Call hongki zasak a, aphual ah kidelhpah uh cihi.

Firemen mi 5 in tuahsiatna phual ah delhpha uh a, Minute 15 khitcaingin tungpah uhhi. Proton Wira mawtaw hawlpa pen atutna ah asisa in omta hi. Ahi zongin MyVi Driver leh Trailer Driver tepen asihloh banah liamngawh lualo cihi.

Proton Wira mawtawhawl asipa ii luanghawm pen Dungun Hospital ah District Police te’n puaksak uh a, Post-mortem kibawlding cih kiza hi. ZD Sawltak #zomidaily

Thuthak tuamtuam natheihnop leh Zomi Daily Page www.fb.com/ZomiDaily/ ah Like napia inla, Follow namek khitciang “See First” acihpen namek ve lawm…..