Malaysia gamsung Klang veng aom dailenbuk tutnasung khatah gulpi khat nakivial venvan ahih manin, a innteknu laulua in kugawp cih Kosmo Newspaper pan kiza hi. Tua gulpi pen Python akici Thampi ihcihte nam hi a, 15 August (Monday) nitaklam thupiang ahihi.
Tua gulpi dailenbuk sungah amu masa pen kum 40 aphakhin Kamarunesa Mohd Kassim kicikhat hi a, kisilbuk sungah ki siansuahding in alutphei hiathiat leh dailenbuk sungah gulpi khat nakivial venvanmawk ahih manin laulua mahmah in kugawpliang cihi.
Tua akutgawp azak ciangin a inn kizom in ateeng asanggam innvengpa lunghimawh in na delhphei pahhi. Dailenbuk sungah gulgolpi amuh ciangin acihnading theipaklo a, anunung ah asin sinsukvet in atungpan in singtung leh vangik pawlkhat tawh delhsuksuak vet hi.
Tuakhit ciangin Selangor Fire and Rescue Department te zasakpah uh a, Firemen mi 5 te in mankhiathei uh cihi.
Fire and Rescue Department Assistant Operations Director Mohd Sani Harul kicipa in genkhiatna ah nitak 8:08pm hunin hih dailenbuk ah gulpi om cih hongki zasak a, mi 5 in kadelhpah uh cihi. Minute 25 sungkhawng in gulpi pen mankhiazo uh cihi.
Aki upmawhna ah hih gulpi pen ageinai aom ekdum siansuah nadingin akikoih Septic Tank panin honglutphei hikhading hi ci uhhi.
Hih gulpi aphatan kigelhlo a, ahi zongin a Photo sungah sautuak diatduat zawzen hi. Kisilbuk sung meikhawng honglo in, innteeknu in hih gulpi tutphahsuk khalehbel….. (aban laisim te’n ngaihsun vou 🙂 ZD Sawltak #zomidaily
Zomi Daily ah nonghawh zelzel manin lungdam mahmah hi!
Comment piaknop aomleh...