Malaysia, Balakong Condo inndawl 14 pan naupang kum 4 aphapan khat kia in si

Malaysia, Balakong Condo inndawl 14 pan naupang kum 4 aphapan khat kia in si

Malaysia, Balakong, Taman Taming Jay sung aom Condo (Condominium) khatpan naupang kum 4 aphapan khat kia in sipah cih NST pan kiza hi. Tua naupangno pen numei hi a, Sudan gammi “Sudanese Girl” khat ahihi.

Inndawl 14 na panin akiasuk ci a, anu in atanu hoihtak akeplohman in akia hiding cihtawh kimanin, “Section 33 of the Child Act 2001 for leaving the child without reasonable supervision” cih thukhun tawh kiman in thu kibawlding cihi.

Saturday zanlam 11:05pm hunpawl in akia hi a, naupangno pen amahguak a ihmusa in innah ki nusia cihi.

Athupiang aki upmawhna ah naupangno pen athawh ciangin anu mulo ahih manin, anu zongdingin kipan hiding kici hi. Plastic tutna khat taalkaih in innmai Balcony ah kahto in tuapan in akiasuk hiding ci’n thunei te’n amuhna uh genkhia hi.

Khuasungvak te’n Condo nuai ah naupang khat sisan naaisan tawh amuh uhciangin kitheikhia pan cimawk hi.

Kajang district police chief Assistant Commissioner Othman Nanyan in agenkhiatna ah naupangno pen alu akitatgawp in asi hi ci’n genkhia hi.

Anu pen atate 2 innnuai ah adawnsukding in akumsuk hi a, hih atanu pen ihmu in amahguak nusia in innnuai akumsuksan cihi.

Ahi zongin atanu pen thopah in anu amuhloh ciangin Plastic tutna taalkaih in innmai Balcony panin khuadakding in akahtona panin akiasuk hiding hi ci’n palik te’n genkhia uhhi.

Tua Plastic tutna pen innsung lengnakhan “living room” ah akikoih hi a, naupangno akiat ciangin tua tutna pen innmai Balcony ah kimu hi.

Hih naupangno sihna pen anu in hoihtak kemlo, enciklo “Negligence of the mother” hiding in ki ummawh a, hoihtak ki kancian laiding cih kiza hi.

Related: Selayang ah naupangno kum 9 aphapan khat inntungdawn pan kia in si

Friday ni inzong Malaysia gamsung Selayang aom innsangdawn khatpan in naupang pasalno kum 9 aphapan khat kia in sipah hi. ZD Sawltak #zomidaily