Malaysia Airlines ki kapkhiat khitzawh thubuai pawlkhat

Malaysia Airlines ki kapkhiat khitzawh thubuai pawlkhat

Russia te’n Artillery thaupi tawh Ukraine gam kapphei

Obama Administration Officials te genkhiatna ah Thursday ni in Russia te’n Artillery thaupi tawh Ukraine gamsung kappheita uh a, Ukrainian Military Sites teng khaphei cihi.

“Hihpen galvai aki satsuahto hi” ci’n Pentagon Spokesman Col. Steve Warren inzong genkhia hi. Russia te’n Ukraine tawh gamgi tengah thautawi galkap 12,000 bang nei uh cihzong Col. Steve Warren in genkhia hi.

Hihbang in buaina hongkipat sauhsauh pen nungkal in Eastern Ukraine ah Malaysia te Passenger Jet khat ki kapkhia ahihman hi a, Washington leh Moscow kikal ahzong ki kamnialna tampi om cih kiza hi.

U.S. kumpi in hih Malaysia vanleng kapkhia pen noteng mah ii khawisa singnuai mite’n akapkhiat hiding hi ci’n Russia kumpi tungah mawhsak mahmah uhhi. Hihbang in Artillery thaupi alotpheina pen gamsung singnuai mite apanpihna lahna hiding cihzong ummawh uhhi.

Hih Malaysia vanleng ki kapkhia pen Passengers pua vanleng himawk a, mi 300 phial in sihlawh hi.

Malaysia vanleng kikapkhiatna vai ah mawhpuak anei pen Russian President Vladimir Putin leh Russian Government hi cihzong State Department Spokeswoman Marie Harf in genkhia hi. ZD Sawltak #zomidaily