Malaysia gamsung Hulu Langat ah zanni Saturday zingsanglam in mencim ahih manin, nasem in aom Bangladesh gammi 2 leisungah ki hingphum “Buried Alive” cih theStar pan kiza hi.
Langat 2 Water Treatment Plant Construction ah nasem in aom uh hi a, agiahphual mencim ahih manin, ahingtang in leisungah aki phumlum uh cihi.
Kajang OCPD Asst Comm Othman Nayan in agenna ah Saturday ni zingsang 4am hunpawl in Kg Sungai Serai ah mencim omhi ci’n hongki zasak cihi. Tuaciangin mencipna phualah huhna apiading in Search and Rescue Team te kuankhiapah hi.
Police te’n akankhiatna ah hih giahphual aomna uhpen lobuk Farmhouse khat hilel a, aneipa in puahpha in Langat 2 Project ah nasem te asapsak cihi.
Tua nasemte omna Quarters sungah Bangladesh gammi 11 leh Indonesia gammi 9 nasem in aom uh, asaap uh ahihi.
Abeisa tawlkhatsung guah akizom in zu ngekngek ahih manin, tuahang in mencip akipan hiding ci’n thunei te’n genkhia uhhi. Kajang Fire and Rescue Department te huhna tawh Search & Rescue Team te’n tualai ah nasem te azongin buaimahmah uh cihi.
Construction Workers akigawm in mi 20 aomkhawm lakah Bangladesh gammi 2 tepen ahingtang in leisungah awkcip, ki phumlum ahih manin, Police te’n “Sudden Death” ci’n Case bawl uhhi. Tua asi mi 2 te ii amin apuam leh athu akician in pulak khianailo uhhi.
Mencim apianna munah nasem te omna pen inndei nih hi a, anih in kicimgawp cih Selangor Fire and Rescue Department assistant director (operations) Mohd Sani Harul in pulak khia hi.
Hih tuahsiatna Incident apianhun taktakpen Saturday ni zingsang 2am hun hi a, ahi zongin 4am hunciang in thunei te ki zasakpan ahih manin, ziakaituam kici hi.
Khuahun pen hoihnailo ahih manin tua phualteng ah mencim leitolh aomkik khakding ci’n Firemen te aki gingsa in Standby in thunei te’n ngaksak uh cih kiza hi.
Related: Guahtui tamluatna hangin Nepal leh India gamsung ah mi 90 val sikhin
Malaysia gamsungpen leitang khauhlua khollo hiam, guahtui tampian henla hileh mencim leitolh cihpen kiza pahpah hi. ZD Sawltak #zomidaily
Comment piaknop aomleh...