Malaysia ah inn i saap khopleh

Malaysia ah inn i saap khopleh

Innbup laten, abup in alak zawh manin, khan sap ten, sabaw( deposit) piak kullo in asap thei hongsuak a, khan hong kisap manin zong innbup aki sap zo hong suak zel hi, tua ahih manin khasim pongman takin innsap, meisap, tuisap i piak hongkul hi.

Siangtho na

1. Innphiat innnawt, window maan nul, kisilbuk, anhuan na, pangkaa cihte zong i sep khop hong kul hi.

2. Meh nahuan ciang sathau taak, meh phulkhia cihte i meh huankhit tek ciang thuk tung siangsak pahpah zoleng, inn lawi omlo zaw hi.

3. Puan i sawp khit ciang leh i ki sil khit ciang, satpia phuan te nawtsiang buaksiang pahpah leng, nal lo pah ding hi, na sam pawn te zong kaikhawm in.

4.Dai lengkhit teh, ek lawng a sung leh a sin tung khawngah a baang hiam en in, a baang leh ei a ahihteh mi hihsak lo in, i pusuah ma en kik hamtang in siangsak leng, uihlo zaw pah ding hi.

4. I an neng, i meh khingte ninbungah i koih teh a kiim ah theh sak zeizai lo in, huai sitset ding, niin bungpi sungah i paih teh zong hen sitset in pai leng ninluak te ahuh hipah hi hang.

5. Numei te nindal na te, i paih ciang, saphuk lai neute tawh hoihtak tun in hen sitset leng mi muh ding aana huai hi.

6. Naungek nei ten, naudap paih na ding ninbung atuam in nei in, anbuk ninbung ah pai lo ding, nin khol na tektek ahih hang in, i nek ma leh i nek khit aa, i paih a gim kibang lo hi.

7. Nupi ten i vak ciang leh biakinn i pai teh saphuklai 3,4 pua in i tate tawpdap te i paih nana ah tun masa hamtang zoleng hoihpen hi.

8. I zat khop van te akisiat ciang leikhawm zo leng hoihpen hi, mop i zat teh zong sawpsiang pahpah leng namsia lo pah hi.

9. I meh khatpeuh bei a i ki leitawi ciang, a cihtak ahihloh hang loh kik hamtang ding, i um ibeel , i an kuang te diahdiah lo in sawpsiang pahpah ding hi hang.

10. I hih zawh leh puan zong diah dihdiah lo in sawpsiang pah in, a keu teh zong tum pah khep pah setset zoleng, innsung dim a puan ki khai neinai zong, lungzin huai lua hi.

More: Malaysia ah Methanol tawh akibawl zu atuh dawnkha in asihlawh mi 6 phakhin

11. Kunzaa leh sahdah cil na siat ciang, phih zekzak kei in, a muamlo te aana huai lua hi.

12. Gamdang ah vok an ak an, kibuaipih lo ahih ciang, siangtho zoleng i ci zong dam zaw ding hi.

Note: kei zong abelpen hituanlo aki sinsin lai hing, i hih zawh khempeuh aki gelh hisamlo, kei a kipan hanciam tek ni. Heisa Neisok