Makai siam nading akisam panmulakzia ~ Pau Do Lian

Makai siam nading akisam panmulakzia ~ Pau Do Lian

Pawlpi atuamtuam sung ahizong in kipawlna (organization)leh gentehna NGO te hitaleh, atamzawte report piak na-ah makaih dan panmun (strategy) laksiamleh siamlo te i lawhcin’ dan kilamdang mahmah hi. Pawlkhat ten makaisiam te apianpih (leadership is by birth) aci leh pawlkhat ten sintawmtheih (leadership is made) acizong omhi. March 2008 kha akipan September 2011 Action Contre la Faim (ACF)-Myanmar mission ah liaison kangah ciang in ka nuam mahmah a, himah leh makaihding ahih man in haksa kasa mahmah hi.

Pianpih siam na zong ahihveve hang akisin thei hi cih tawmbang ka muhi. Laisiangtho sang (Acts Bible College, Victory Bible Institute Yangon te ah kum sagihsung sangnuapang te makaih (chaplain leh dean of students) te kaseplai in haksatna leh thanemna tampi kaneih nate leh lawhcin dingzah a lawhcingzo lo kahih na ahang tawm kamupanpan ta hi.

Ihpawlsung acidamleh cidam lo ahihna bangcitheihding. (Diagnosis the health of your congregation)

Ataangpi in ah (keimahmah) in mi-ih makaihciang in buaina hongpian masang kapawlpi/ sangnaupang/organization cidam lelhi cin’ kilungnuam lel a, buaina khat leh haksat na genteh na in ihnuai a nasemte khat leh khat hongbuai ciang maw, sangnua pang khat leh khat hong buaiciang in bangci ahia ci in kikhuadak pan hi. Ataktak in alemloh na sawtnapi in hong liatsemsem ciang in aki mukhia pan hi a, tuabang a hongliat ciang in leptuahding (solution) pen haksamahmah tahi. eg: tuberculosis, HIV, AIDS leh malaria aneiten’ siavuan te alah uhciang in alungno alutzawh akha,akum in sawt khin hi ci-uhi.

Tua natna (infection)taksa in athuakzawh (resistant) lohciang in tuanu/pa in adam loh lam hongthei pan hi. Tua hia, Ronald Heifetz (Harvard University) in the practice of adaptive leadership leh leadership without easy answer te sung ah tampi tak gen hi. Tua tesung ah hoih kasak pawlkhat leh class a kasin te uh atom in tawm hong hawmsawn nuan ing.

Heifetz in agen na ah pastor leh makai pawlkhat ten buaina a lepnop(solution)bawl nop uhciang in, buai na hongpian khiatna bulpi hoihtak inkan lo in leh, theihcian na omlo pi in thukhen pahpah vua tuapen kicing zo lohi banghang hiamcih leh makaite in amipih tetawh omkhawm in (view on the dancing floor) ihmit tawh naitak in muhding leh (view from the balcony) agamla deuhna pan enkik in hileh mite I omzia kitel zaw hi cihi. Ei makai pawlkhat tenbel,(balcony)agamla/apualam pan en in ihmuhdandan in buaina sutveng (solving) bawlsawm hihang.

Makai pawlkhat leuleute, amah amai-et ama nungzui/pawlpimi maw te in acianpiak (advice)na umpahpah in leh, mimalkim in (diagnoses) bawllo in buaina hih hi ciziauziau in tuapen kicing zotaktak lo hi. Agamlapan etzelzel ding akulmah bang in anaipan zong etzelzel ding kisam hi. Genteh na in; US gamsung ah singkung phukding kumpin’ phallo ahih man in tulaitak kasang kah na Boston khuakiim agamla pan enleng singkungniimdildial in etlawm mahmah hi. Ahi zong in khuasung ah pai in vakle hang singkung namtampi pokhawm in khakleh khat kimat (interconnected) ahih man in etlawm mahmah hi. Ih kipawlna/pawlpisung zong a etlawm theih nading in leh acidam leh dam lo ihtheih nading in khatleh khat kithutuak a kizop (connected) ihihding thupi hi.

Sinkawmkawm a makaizia (adaptive leadership)

Pawlsungbuai na khen khat pen asungpan ahizong apuapan ahizong ih et hang akimuzo lo haksat na pawlkhat om thei lai hi. Malaria vei khat doctor kiang ah a paiciang in doctor inzong anat na thei a zatui sut/nek maw pia in atam zaw dampah hi. Doctor in anat na thei a, akituak ding zatui zong thei in pia a damzawh loh zong omveve lai hi. Bektham lo doctor in natna thei zolo in akituak ding zatui atheih zawhloh zong tampitak mah omlai hi. Buaina ineih ciang alepding zia ihtheihte pen(problems available answers or technical challenge) ci in buaina thei in alepnading zia zong thei in ihlep zawh lohte pen (problems without answers or adaptive challenges)sinkawm a leptuah cihna zong hi.

Laisiangtho luisung enleng Moses in Israel te amakaihzia pen leadership lak ah ahakpen pawl hiding hi. Robert E. Quinn (deep change) sung ah (walking naked in the land of uncertainty) itheihloh nagam ah tangguak apai na, cih thulu khak gelh in, tuaciang Michael Fullan in Leading in a culture of change cih ah zong bang cih thukhup hiam cih leh, more good thing happen and fewer bad thing happen acih nop ah 100% kua mah in makaih zolo a, ihanciam mahmah hang thuhoih atam zaw hongpiang in thuhoih lo atawmzaw hongpian,, cihnop na ah avek in hoih khinzo lo cih na hi.

Ihneih gige imanngilh

Leadership class a kasia mah nu (Margaret Benefiel Prof of Harvard University) I laibu, the soul of a leader, sung ah hoih kasak mahmah pawlkhat omhi. Makai pawlkhat in adiak in Christian gam ahilo te ah, ihpil na leh ihsiam na tawh makaih leng kicing ihsa kha hi,(keizong kahihi). Pilnatawh ingah te pen technical challenges bek hi a adaptive challenges te kimanggilh gige in makai ihihnapan lungkia maw,mihongdeih lo maw cih bang in kitawp san hi. Buaina lep nading itheihzawh loh ciang in Pasian kha siangtho in nasepding akipan hi a, tuapen kimangngilhkha pahpah in ihlungkia thei hi. Moses in mi atawmpen 400000 Egypt pan in Canan gamdong amakaih ding laitak in action plan abawlna kimu khalo hi, action plan abawlding hileh mi tuazah annek ding leh tuidawn ding, giahna ding pen cikmah in proposal grant ngahlo ding hi.

Pay attention (thupisimding)

Makaipawlkhat in asepnop man or asepding dang aomloh man ahizong in makai asem om in lungsim tak tawh attention pia lo hi. (Heart desire) lungsim taktak tawh asem lomi in company ahizong in pawlpi ahizong in lawhcin ding zah in lawhcing zolo hi. Ahihzong in lungsim taktak tawh semin alawhcing zolo zongtampi tak om a ahih hang in, lunggulh ahih man, thupisim ahih man, hangsan (courage) tak a sem ahih man in, lampi ah kisuikha (stumble) mah leh dingto kik in lawhcing veve hi. Makaihoih khat suah zawh nading in kituk/kisuihkhak (stumble) na aom kei leh compassion neitaktak zolo hi cih mipilte nagen ngei uhi.

Tuabang in atheih nabek suang lo in deihsak naleh lunggulh natawh pai ahih man in amahbek lawhcin ding deih lo in amahbang makaisiam asuahsak ding hanciam hi. Tuabang a lungsimtaktak tawh amakai mi in (partnership) kipawlpihding zong a capacity build up/siamna hawmsawn in makaih uhi. NGOs te procedures khat ah INGOs ahih leh LNGOs partnership/kipawlpiding ngim uhi, ahang pen INGOs te gamdang pan hong support ahih man un nikhat niciang hong ciah san le uh amau nung, amausep bang a asemzo ding sinsak nuam uhi. Ei zomi pawlpi/organization sung ah eleh makaisiam te makai dang pattah bangzah inei ta a?

Mipilampan

Topa zeisu in nunggui 12 tetel in hunkhop khat mah Topa Zeisu tawh kikhawl in om uhi. Topa aleitung pumpi eite ading in hongsih ma in kiman a Roma galkapte amawhnazong in mawhsak in aomlai tak un, Topa’ lam ah apang tawm mahmah hi.Pasian kamciam mahbang in singlamteh tung ah hongsi hi. Makai khat leitung mitmuh napan hongsi leh anungzuite bang acingaihsut uhtam. Khat veivei makai hoihten mipite akhual na un mipite lamet na abeisak hunzong om hi.

Banghang hiam cihleh mipite muhna sang in makai siampa/nu in sau muzaw ahih manhi. Movie stars bangdan in amasa lam in leldekdek in atawp na ah honggualzawh mahbang in, makai hoihten’ nahoih tampi aseplai tak un amipih pawlkhat ten’ zahko thei uhi ahi thei mah hi. Adaptive challenge, ahoihzawideihleh alui ilaih kul a, ihngim na hongmuhpih loten ihlaih (change) laitak in hong laupih uhi. Ahoihlo tepai in ahoihte khekdeuhdeuhleng hongkilau pih deuhdeuh a zong hongki nusia thei hi hi mah hi, ahangpen, iman (lost) khakding honglaupih uh hiven. Makaite zong hangsan (courage) nading akisap natampi om hi.

Thukhupna ah; buai nahongpian ciang in alepna (problems available answers) aom mahbang in buai na alemzolo (problem without answers) zong om hi. Tua mun ah makaipa/nu leh mipi te pang khawm a leptuahding ahihi. Makai hoihten’ nungzuikawm in makaih na (servant leadership) lungsim nei in akisap leh ( leader put head and feet on the ground)lungtang mahtawh thuak ngam in,sem ngam hi. Makai hoihding ut napin’ siamnai lo in asin panpan ka hih man in kagelh khialh a om leh hongna maisak un.

Jeffrey Pau Do Lian
Boston, Massachusetts