Makai leh kikhalna ~ Lian Muan Kim

Makai leh kikhalna ~ Lian Muan Kim

Pumpi kikhalna pen Greek kamin egkrateia hi-a lunggulhnate pan kidaam, ahih kei leh kiptaka lungsim lencip cihna ahi hi. I pumpi pen a hoihlo na khempeuh pan humcipin a hoih na khempeuhte nuntakpih na dingin kiptaka lungsim khensat/lencip, cihna hi. A tomkim ding in pumpi kikhalna mah ci le hang hoih pen, kician pen dingin ka um hi.

Laisiangtho sungah ahi zongin leitung thu-ah ahi zongin, makai minthang mithupite’ nuntakna en le hang i muhtheih tawntung khat in pumpi kikhalna ahi hi. Ahih hangin a dahhuai thukhatah siamna le kivakna nei makai tampitakte pumpi kikhal zawhlohna hangin zakia-in khantohna sangin kiamsukna lam manawh zaw uh hi. Tua bangte pen a kipatna uh a hoih tei hangin a tawptung lo uh ahih manin a siamna uh leh a kivaknate uh zong a mawkna suakthei hi.

A phawkhuai thukhatah makaite bek kikhal ding cihna hilo-a, pianthak khat ihih nak leh pumpi kikhalna i neih loh phamawh hi. Banghang hiam cih leh pumpi kikhal na in Khasiangtho gah nam 9-te lak ah a nam 9 na hipaha (Gal 5:22, 23), piangthak ihih nak leh i nuntakna pan i gah khiat ding ahi hi. I pumpi i kikhal kei-a leh tua Khasiangtho gah zong a kigah lo hipah lel hi.

Khasiangtho gah i gah kei lai leh a kikhami lo bek thamlo-in piangthak taktak maw cih zong kisittel huai mahmah ding hi. Piangthak khat in a pumpi kikhalna tawh Khasiangtho gah gahkhia ahih leh piang thak makai khat in gah tampi a gahkhiat zawk ding kisam hi.

• I hailai in
• Leitung i uk nuam a,
• I pil ciangin
• Ei le ei I ki-uk nuam hi.

Nang le Nang Ki-uk Masa In

Amah le amah a ki-uk zolo mi in mi suakta hilo hi. Pumpi kikhalna a neilo mi-in makai hoih bangci suahtheih ding ahi hiam! Amah le amah a ki-uk zolo mi-in midangte bangci bangin uk zo ding hiam! Inn kuan-khat, kipawlna khat, Pawlpi khat, khuakhat, gamkhat bang ci uk zawh ding ahi hiam! Zeisu in hih thu thei ahih manin Phariseete’ kiangah makai dingin na cingtaak kei uh hi, na ci hi. Amau le amau kikhal zolo pi-a makai sem nuam mawkmawk uh ahih manin mittaw makaite, naci lai hi.

Mittaw makai a suah loh na dingin Pawlu in Kawlentu pawlpite kiangah: Ka pumpi ukin ka kikhal hi. Tua hi kei leh kei mahmah zong midangte tung thu kagen hangin ka cingtaak kei ding hi, na ci hi (Kawlentu masa 9:27). Pawlu in piangthak tampi a makaih zawh nading leh a mahmah Pasian koih saksa nasep a zawh na dingin pumpi kikhalin hanciam hi.

• Lungduaina in thahatna sang hoihzawa,
• Lungsim ukzawhna in gamkhat laakna
• sang hoih zaw hi.
• Paunak 16:32

Prussia gam makai mithupi Frederick the Great in Berlin khuapi sungah khatvei lam a siauh leh puteek khat tawh kituak hi. Nang kua na hia, acih leh puteekpa in: Kumpi khat hing e, na ci hi. Frederick in nuihsan in: Bang kumpi gam maw na uk, acih leh puteek pa in: Kei le kei, ciin dawng ziau hi. Amah le amah a ki-uk zo mi in kumpi gamkhat ukpa sangin thupi zaw hi.

Khat vei mikhat in D. L. Moody kiangah: Moody aw, kua in na nasepna hong nawngkaaisak pen hiam, ci-in a va dot leh: D. L. Moody sanga hong nawngkaai sak zaw om kei, ci-in dawng pahlek hi.

Leitung pian zawh mi thahat pen leh ngalhat pen khat teel le hang Samson longal kuama dang omlo hi. A pilpen kan leng zong Solomon losiah kuama dang om nawn lo ding hi. Ahi zongin Samson in pumpi kikhalna nei zolo-a, tua mah bangin Solomon in zong a pumpi khal zolo ahih manin numei huhau-in anih un thukhenna thuaktuak uh hi.

• Makai pa
• Makaih masak ding
• Mi in
• Amah ahi hi.

Bucephalus (a khiat-na – bawngtal lu) kici sakol in ama liim amuh nak leh lau ahih manin kuaman zual zolo hi. Ahi zongin kum 10 a pha pan Alexander in a pa kiangah tua sakol ngen hi. A pa’n a taigawp hangin ngen veve ahih manin ngah hi. Alexander in tua sakol hoihtakin zualsaka, sakol tuan hong sin pah hi. Siam mahmah ahih manin a pa in: Alexander aw, Macedonia gam pen nanga dingin neulua ta hi; nang tawh a kilawm zaw ding gam zong in, ci hi.

Alexander in tua sakol kum 30 a phak dong hoihtak zang thei hi. Philip II in Alexander a pil nading leh a hat nading zong deihsak ahih manin Leonidas tung pan siamna leh Aristotle tung pan pilna na sinsak hi. Sakol tungtuan siam in galsiam galhat mahmah ahih manin ama hunlai-a gam kitheitham khempeuh zo gawp hi. Ni 11 sungin tai 400 bang galsim kawmsa-in tungzo hi. India a tun ciangin: Ka galsim nading om nawnlo maw, ci-in kap zawzen a, a khan sungin gallel ngeilo hi.

A tuung lamin kikhal zo mahmah hi. Ahi zongin Persia gam khawng hong lakzawh khit teh tua gamsunga hauhna khempeuh zong ngah ahih manin nuamsa mahmaha, a-ut bangin hong om ta hi. A galkap mangte tawh zudawn peuh kidemin nuamsa mahmah hi. Khatvei a zudawn kidemna uah a lawm it pen khat in zu thawl 18 a dawnkhit phetin si pah lian hi. Tua zawh a sawtlo-in aman zong zu thawl 9 bang a dawn leh cisanat ngahin si hi.

A sih in kum 33 phapan hi. Gal lel ngeilo-a, leitung lumletin lei-tung mite kampau nangawn khelzo hi. Ahih hangin amah le amah kizo nawnlo hi. Leitung a-uk pa amah le amah ki-uk zolo, kikhal zo nawnlo ahih manin sihlawh hi.

• Mite in
• Na thugente
• A bilkha uah
• Za zel uha,
• Na gamtatnate
• A mit
• kha uah
• Luai den hi.

Ei le ei i ki-uk zawhlohna mah in hong nawngkaai sak pen a, i gualzawh ding zahin hong gualzosak lo hi. Ei le ei ki-uk zo phot limlim le hang midangte zong ki-uk zo-in kimakaih zo bek ding hi.

Makai hoihlo pawlkhatte paunak ahi: Ka cih bangbangin sem, ka sep bangbangin semlo, cih i zatkhak leh makai hoih suak ngeilo ding hi hang. Makai khat in a ma paina sanga, a gamla zaw mun ah kuamah makaih theilo hi. Nungzuite zong a cihtak uh leh makai pa paina ciangciang bek pai uha, a khekhap zui-in a sep bangbang sem uh hi.

Makai hoihlo pawlkhatte paunak ahi: Ka cih bangbangin sem, ka sep bangbangin semlo, cih i zatkhak leh makai hoih suak ngeilo ding hi hang. Makai khat in a ma paina sanga, a gamla zaw mun ah kuamah makaih theilo hi. Nungzuite zong a cihtak uh leh makai pa paina ciangciang bek pai uha, a khekhap zui-in a sep bangbang sem uh hi.

Tua ahih manin makai khat ihih nak leh pumpi kikhalna pen i hanciam ding thupi mahmah hi. Hunmaan ngeilo makai khat in hunmaan un, aci thei diam! Zatep tuibuk, zu leh kuunza zang napi midangte zatloh ding a gen thei diam! Ama pumpi a kikhal zolo makai in midangte khalzo lo dinga, ukzo ngeilo ding hi. Gamtatna in kampau sangin ngaihzawa, muibun zaw hi.

Mite in na thugen a zak ma un na gamtatna hong mu uh hi. Na thugen umlah thei uha, ahi zongin na gamtatna amuh bang un um uh hi. Na thugen a zuih ma un na gamtatna hong etteh masa uh hi. Na thugen sangin na gamtatna ngaih zawa, muibun zaw hi. Mite in na thugente a bilkha uah khat veivei zazel uha, ahi zongin na gamtatnate ahih leh a mitkha uah luai den hi. Mite in a kampau leh a gamtatna a kituak makai lunggulh uh hi. Tua dingin nang na ut hiam!

A.D. 1100 lai pawl, Westminster Abbey hana Anglican bishop khat ih han tunga lai kigelh khat hoihsa kahih manin a nuai ah kong guang hi.

• Tu’n Kikhal In
• Kikhalna a omkei leh a dang nakhat peuhpeuh i hanciam nate nangawn zong guaksuak thei hi. Makai khat
• Ka khangno lai in
• Leitung kakhel nuam,
• Ahih hang haksa ka sa;
• Ka mipihte kakhel sawm,
• Ka khel zawh loh lam ka thei,
• Ka khua ka tui kakhel sawm,
• Kakhel zawh loh lam ka thei,
• Kei ka teek semsem;
• Ka innkuanpihte kakhel sawm,
• Kakhel zo tuan kei,
• Tu’n ka tee
• k ta mai;
• Kakhel zawh khat bek hong om,
• Tua pen
• KEI
• ka na hi mai;
• Laitat ding kihi ta,
• Sawtpi laipek in
• Kei na kikhel hi zen leng,
• Ka innkuanpihte lawh zo ding,
• Innkuanpihte tawh kop zo zen leng,
• Ka khua ka tui ka lawh zo ding;
• Lawh zo ding ka minam,
• Leitu
• ng khel zo taktak ding
• Ka hih gige lam
• Thakhat thu in ka kiphawk.

in amah le amah a kikhal zawh kei-a, thadah a, ahih sitset kei leh makai gina, makai picing suak theilo hi. Makai hoih suah theih nading pilna siamna nei napi na kikhal nai kei leh tu’n kikhal kipan in. Piangthak khat na hih nak leh Pasian in nahoih sep na ding leh kikhal nading utna hong pia khin hi.

• Ama deihna hoih tawh kituaka
• Na gamtat theih nading leh na lunggulh theih na dingin
• Pasian in na sungah na hongsem hi (Phil 2:13).

Zingcianga kipan ka pumpi kikhal ta ning. Kazat na hoihlo tuamtuamte kideek ta ning. Nasep hanciam ta ning. Ka vaipuak khat peuhpeuh zo ta ning, ci-in nahih ding khat peuh peuh sottoto ken. Zingciang pen nanga ding hilo khathei ding hi. Tu-a kipan, ahih kei leh, na neulai mahin kikhal in la, tua na kikhal nate pen na zongsatna hisak pahpah in.

• Gualzawhna
• Sum tawh
• Kilei theilo. – D.D. Eisenhower

Donald Barnhouse in: USA a mithupi 40,000 te kum 28 a phak ma un amau le amau a kikhalte ahi uh hi, ci–in ciamteh hi. Neu lai maha kikhalte pen hong picin uh ciang zong kikhal zo-in makai muanhuai, makai picing hong suak pah uh hi.

Samuel Chadwick pen zingsang nai 6 in tho dena, tuuk tawh khal tawh tuivot bek mah zangin kisil den hi. A laisimna mei zong zingsang nai 2 in mitpan den hi. A pumpi a kikhal lam kimu thei hi.

George Whitefield pen a khansung tawntung nitak nai 10 in luma, zingsang nai 4 in tho den hi. Lengla hau-in sepding bawlding tam mahmah ta leh nitak nai 10 hongsat nak leh: Lumtani-ei guaite, ci-in lum lianlian hi. John Wesley in: Kum 80 bang ka phak taktak teh zingsang nai 5 a thawh ding pen kiziat noppianin om veh aw, ci ngei hi.

Beethoven kiangah mikhat hongpai-a: Beethoven aw, Pasian hongpiak talent na ngah hampha taktak teh, a va cih leh Beethoven in: Pasian hong piak talent na cih pen maan mah hi. Ahih hangin nang zong hi talent na ngah nop leh nikhat in nai 8 sung piano tum in la, kum 42 sung tum leteh na ngah ding hi, cihsan hi. A kikhal zolo khat in nikhat nai 8, kum 42 sung bel piano tum zo hetlo ding hi. Talent nei-a a kikhal lote sangin hamciama, a kikhalte mi-thupi suakzaw uh hi. Siamna khat peuhpeuh uuk ding le sin ding haksalo-a i siam na dinga pumpi kikhalna haksa zaw hi.

• Zingciang
• Kua hi ding na hiam
• Cih pen
• Tuni Kua na hi hiam
• Cih in Honglak hi.

America-te football tangthu ah a minthang pen khat ahi Jerry Rice gualzawhna bulpi in kikhalna ahi hi. A kimawl-pih dangte sangin nakpi takin kikhal zaw hi. A hatzawk na ding leh a gimhak zawk na dingin nakpitakin amah le amah zong kisin hi. Kaih 40 a sang mualtungah nisimin nawhsa takin suktai totai den hi. Nisa lak buannawi lakah zong tai kisin hi. San Carlos, California-a om parktrail ki-cihna tai 2 le a lang a pha mualtung ah zong manlangtakin taizo ahih manin a lawm te’n zong phazo lo uh hi.

Pumpi kikhalin hanciam mahmah ahih manin mi minthang mi gualzo khat hong suak hi. A vulthei pahtawina ngah nading leh a kimawlpihte a makaih zawh nading hizahta in kikhal ahih leh piangthak makaite a vultheilo pahtawina kumpite’ Kumpipa kiangpan i ngah na dingin bang zahta-in kikhal-huai zawlai hiam!

Hih banga pumpi kikhalna thu i gen ciangin, i siam semsem nading, i hat semsem nading ahi zongin, i pil semsem nadingte bek a gennuam hilo hi hang. Ci le sa deihna a nialhuaite i nialna tawh zong pumpi i kikhal ding kisam hi. Piangthak makai a kici khat in zu peuh, Beer peuh dawndawn mawk leh, teptheih tepmawh teptep mawk leh, mite muhna ah a kilawm lo-in gamta kampau leh kua ma’n zui nuam lo ding hi. Amah le amah a kikhal zolo mi in kua makaih zo ding hiam! Kua’n zuinuam ding hiam! I tua cih khak le zong i kipuahphat ding thupi hi.

Mite in a kikhal makai ihih lam hongthei leh ciintak zuihtak hongsa ding uha, ei nuntak bang, ei kikhal bang mahin ahih zawh nading un hanciam ding uh hi. Pumpi kikhalna ah a thupi mahmah khat in zongsatna hoihlote phiatna hi.

• Talen nei – a
• A kikhal lote
• Sangin
• Hanciam a,
• A kikhalte
• Mithup i suakzaw hi.

I zongsatsa khat peuhpeuh pen i phiatpah ding haksa mahmah hi. I zongsat nai loh khat zong i nuntakpih ding baih tuanlo hi. Tua ahih manin zongsatna hoihlote paaikhia-a, zongsatna hoih i neihtheih na dingin hih a nuai-a, lamlahna nam 10 te i zuihzawh na ding kisin ni:-

• 1) Na kikhal zawh loh nam 5 gelhkhia in.
• 2) Na zawhzawh na dingin hanciam pah in.
• 3) Khat khit khatin zawhsawm in.
• 4) Bangci zawh ding cih pen Laisiangtho le a dang ngaihsutna hoih tuamtuamte in honghilh ding hi.
• 5) Zongsatna hoihlo a phiatsa mite kiangah bangci bangin phiat uh hiam cih dong in.
• 6) Zingsang tungin minute 15 sung bangci kikhal ding ka hiam, cih ngaihsun masa in.
• 7) Sunkim ciangin minute 5 khawng hunla in la, bangci bangin kikhal zo kahiam cih enkik in.
• 8) Nitak ciangin minute 5 khawng mah hunla in la, bangci bangin khangto ka hiam cih enkik in.
• 9) Zongsatna hoihlo khat na phiat khitteh a dang khat na phiatkik ma-in ni 6 sung bang hunla phot in la,
• zongsatna lui pen zo dipdep phot in.
• 10) Na gualzawhnate hangin mite tawh lungdam khawm in la, midangte zong nang mah bangin a kikhal zawh na ding un hanciam pih in.

Thakhat thu-in bel kikhal zo pah khollo khamah ding hi teh. Hun sawtpi a ngakkul lam phawk gige in la, lungkia kei in. Hih bang cieuciaute tawh kipanin gualzo le teh a dangte zong hong zawhnop dinga a kikhal makai hoih nasuak ding hi. Mite in na nuntakna ciintak, etteh tak hongsa-in nang nuntak bangin a nuntak zawh nading un hanciam ding uh hi. Lian Muan Kim

Endnotes

1) Pharisee-te pen Hasidim (kumpi gui) pana hong piangkhia uh ahi hi. B.C 140 kimpawlin kamsang Ezra ih Laisiangtho teiban zom uha, Mawsi thukham zuite zong kici hi. Pharisee cih kammal pen Hebia lai perushim pana hongpai hi-a, a kituam koih cihna ahi hi. Banghang hiam cih leh amaute in a siangtho theih na dingun hanciam uha, mawhneite pen a gamla theithei ah pel uh hi. Numeite in a samkang uh amuh uh teh botkha ding uh ahih manin Sabbath ni-in limlangh mai ah ki-en theilo ding, ci uh hi. Kithumaansak mahmah uha, mimawhte tawh zong an nekhawm nuamlo uh ahih manin Zeisu in thuhilhin taai zelzel hi. Misiangthote thokik ding cih um uh hi.

2) Frederick the Great pen January 24, 1712 in Berlin ah suak hi. Kumpi pa tapa hi napi pilna siamna a sinnate ah mi dang mawkmawk khat bangin a pa in sinsak lel hi. Dopbawl tuanlo-in ngattakin pantah hi. 1740 kumin Prussia kumpi ahi a pa za‘laihin kumpi sem hi. Hih Frederick in leitunga pahtawina hoih mahmah khat ahi Great cih pahtawina zong ngah hi. Hi pahtawina a ngah mi tawm mahmaha, tuateng lakah Alexander the Great, Herod the Great, Constantine the Great, RC Pope ahi Leo the Great le Gregory the Great, Russiate’ makai Peter the Great, Catherine the Great le Napoleon the Great te kihel uh hi. August 17, 1786 in si hi.

3) D. L. Moody February 5, 1837 kumin suaka, 1855 in piangthak hi. December 22, 1899 in zakhang ahih manin leitungah omthei nawnlo-a vantungah Kumpi Pa tawh mangkhawm hi. Sanggam pasal 5 le numei 2 nei hi. Kum 4 a phak ciangin a pa in sihsan ahih manin a van neih sunsun uh leiba tang dingin kilaksak hi. Kum 20 a phak ma-in Chicago ah khedap hong zuakin tua bang peuhtawh kivak hi. Ahih hangin sawtveipi khedap zuaklo-a, Pasian nasem dingin hong kipiakhia hi. A diakdiakin Pasian nasem khat ih kampau ahi: Tulaitak Pasian a ding a kipumpiak zo khat om leh Pasian in leitung in a muhkhak ngeinailoh na lianpi tua pa tungtawnin semding hi, cih in a nuntakna laih hi. Kum 13 a phakin tan 6 sim-a, tuaciang bek sangkah zo ahih manin ama pau ahi Mangkam nangawn zong maantak in pautheilo hi. Ahih hangin Pasian in zang mahmaha ama tungtawnin USA ah khakhanlawhna tungsak hi. Greek Laisiangtho cih thadah Mang Laisiangtho nangawn a telkhin sitsetlo pa pen England gama mipil thuhilh siam mahmah Spurgeon bangmahin Pasian in zang hi. A nuntak sungin tai awn khat khualzina, mi awn 10 val tungah thugenna nei hi, kici hi.

4) Aristotle (384-March 7, 322 B.C) pen Macedon kumpi pa‘ siavuan pa tapa hia, kum 18 a phak ciangin Athen khua-a Plato’ sangah a sangkah zom hi. Socrates leh Plato-te zahmaha Greek mipil thungaihsun pu minthang mahmah khat ahi hi. A zi Hermias a sihkhit ciangin Philip Macedon in Alexander sia dingin sam hi. Kum tam simsim Alexander lai a hilh khit ciangin Athen ah hong ciahkika, BC 335 in Lyceum kici sang khat phuan hi.

5) Samuel Chadwick pen 1840 kumin suaka, kum 8 a phaka kipan pathekna phualpi khatah a pa‘ nasep huh in nikhatin nai 12 sung nasem hi. Kum 21 a phak ciangin Methodist pawlpi pastor khat suak hi. Thugen minthang khat hi-a, Cliff College ah zong Siapi sem hi. Laibu hoih pawlkhat zong gelha, a sihkhit (1932) zawh tua a laibu gelhte pawlkhat kikhenkhia lai hi. A kampau hoih ka sak mahmah khat in: Thungetna om lo laisinna, laihilhna leh thugennate Satan in kihta lo hi. I han ciamnate hong nuihsan lela, i pilnate hong zahpih lel hi. Ahih hangin thu i nget teh linglawng hi, cih ahi hi.

6) George Whitefield pen December 16, 1714 in England gam Gloucester khua, Bell Innah suak hi. Mi inncing, a zawng mahmah khat ih tapa hilel na pi-in tuni dong mah thugen siampen khatin kiciamteh lai hi. Oxford University ah sangkah in sangsum pia zolo ahih manin sangnaupang dangte‘ nasem khat bangin oma, a sumngah sunsun tawh sangkah hi. Sangnaupang dangte‘ nasem suak ahih manin a khedap uh taihsak, a laibu uh tawisak, a laite uh bawlsak banah zingsangin tua a sangkahpihte phong kinken hi. Kum 21 a phak ciangin tua Oxford University ah piangthakin Pasian nasep hong kipana, nikhat in 3vei 4vei bang thugen hi. 1739 in huihlak tualpi ah thugen kipana, a khan sungin 18,000 vei bang thugen hi. USA le England ah thugenna nei kawikawi-a, nakpi takin khanlawhna tung hi. Mi 40,000 mai ah awliatna zanglo in thugen zo hi. September 30, 1770 in si-a, John Wesley in hanthotna hoih mahmah khat tawh vui hi. A tagah kepte a khoi a vak na dingin sal (sila) pawlkhat a khawi pen kigensia pian hikei leh mundangte ah kawkbang hetlo hi.

7) John Wesley pen June 28, 1703 in suaka, March 3, 1791 in si hi. Sanggam 18 nei-a 11 in a neulai mah un sihsan uh hi. Amah pen a 15 na hi. Kum 5 a phakin a inn uh mei-in valhtuma, Pasian hehpihna tawh amah bel kihonkhia man bilbel hi. Kum 36 a phak ciangin a si hileh leitung taangthute ah a min kigelhkha nailo ding hi, ci-in tangthu siam khat in gen hi. Zingsang nai 4 in thodena, nikhat in nai 18 sung nasem hi. Pasian thu a gen kawikawi na-ah sakol tawh tai 250,000 val bang khualzin hi. A laisim na leh a laigelhna sabuai pen sakol elzaang hi lel hi. 40,000 vei bang thugena, nikhat in 5 vei bang thugen hi. September 21, 1773 in mipi 32,000 mai ah thugenna nei-a, a khansungin laibu 233 bang gelhkhia hi. March 2nd, 1791 ni-in London ah si hi. A sih in England ah nungzui 79,000, North America ah 40,000 leh thugen sia 541 bang nei khin hi.