Malaysia Prime Minister in makai angahkikleh hamphatna nam 3 piading ci

Malaysia Prime Minister in makai angahkikleh hamphatna nam 3 piading ci

Malaysia gamsung ah kumpi makaipiding kiteelna General Election pen May 9 ni akipanding hita hi. Abeisa leh tulaitak Malaysia gamuk makaipi asem ahi Prime Minister Datuk Seri Najib Tun Razak in agenkhiatna ah ama kihelna ahi Barisan Nasional in gualzawhna angahkikleh Malaysian mipi te thalawp nadingin hamphatna Incentive nam 3 piading cih theStar pan kiza hi.

Amasa penpen Incentive ahihleh Barisan Nasional in General Election ah gualzawhna angahleh Malaysian gammi kum 26 nuaisiah peuhmah Income Tax piakkullo dinghi ci’n Prime Minister Najib in genkhia hi.

Khangno “Youth” kum 26 nuaisiah nasem tepen bangzahta in asumlut atamphial zongin amau zatding mawtaw, innsaap cihte apiakkul uhhi. Tuaban ah anu apa te uh a etkik kul hi. Tua ahih manin khangno kum 26 nuaisiahpen sumlut tungtawnin siah “income tax” piakkul sakloding cihi.

Tuabek thamlo, abeisa in Income Tax apiaksa te uhzong ki khiatkik, Refund ki bawlkikding cisawnsawn hi.

Anihna Incentive ahihleh hongtungding May 14 leh May 15 ni tepen Malaysian gammi te adingin zumkhak Public Holiday in ciapteh sakding ci’n Prime Minister Najib in genbeh hi.

Tuabangin aval in ni 2 sung zumkhak tawlngak hun “Public Holiday” apiaksawmna pen Ramadan hun tungtading ahih manin, ki ginkhol nading leh innkuanpih tetawh ki thuah hit hiat hunding ci’n Public Holiday ni 2 aval in piaksawm cihi.

Athumna Incentive pen hongtungding Hari Raya hunsungteng Toll Charge piakkul sakloding cihi. Tuabangin lamzikpi zatman Toll Charge piaklohding pen akigawm in ni 5 sung vaihawm sakding cihi.

Hari Raya akipatma ni 2 sungtengpen Malaysian gammi te amau pianna Hometown tekah kiciahnuamciat ahih manin Toll Charge piakkullo dinghi.

More: Malaysia gamsunga Operasi aomciang abuaimahmah RELA te naitha kikhansak

Tuaban ah Hari Ray ni 3 sungzong Toll Charge piakkullo dinga, akigawm in mi 5 sung Toll Charge kimapding hi ci’n Prime Minister Najib in genkhia hi. Gamdang mite hamphat zuahzuahluat nadingbel bangmah genkhiat neilo hi. Sawltak #zomidaily