Mai Nawt In ~ Khat Thang

Mai Nawt In

Leitung nuntak sung na heksuk hektohna ah, buaina lianpi tuakin, nungkik ding lah hi thei lo mai nawt ding lah na lampi kikhak cip a haksa lua sa-in na lungkham hun ciangin na sep ding khat bek om hi. Tua in haksatnate na phul teitei hamtang ding ahi hi.

Thu khat peuh hangin lungsim kitam zanin, nasa lua a, hehna, dahna tawh na kidim hun ciangin na sep ding khat bek om hi. Tua in luaduai sak tentan a thuak zawh ding khentatna ahi hi.

Tel zawk ding cih bang om nawn lo, na neih na lamte sum khin in, pammaih na sak hang, a kilakkik thei lo ding supna na thuak hun ciangin na theih ding thu khat bek om hi. Tua in hun la a lampi thak kihon na ngak pelmawh ding a hi hi.

I tup I ngimna bangin nawnsa takin khangto thei lo, kalsuan zo lo a I om hun ciangin, I sep theih khat pen I hih zawh zahzah damdam in mainawn a kalsuan ding a hi hi. Bang hang hiam cih leh, nuntakna pen kilehkik theih, senlehkik theih thu hi lo hi.

Khat Thang