Myanmar, Magway ah HIV natna anei pasal khatin kum 6 aphapan numeino khat buan

Myanmar, Magway ah HIV natna anei pasal khatin kum 6 aphapan numeino khat buan

Myanmar, Magway Region sung aom numeino kum 6 bekbek aphapan khat HIV natna anei pasal khatin buan “Rape” cih Mizzima pan kiza hi. Hih thupiang pen February 06 ni in Magway, Minhlah Myone, Yinanma khuasung ah thupiang ahihi.

Numeino abuanpa pen kum 30 aphakhin Hein Min Zar akici khat ahihi. Hein Min Zar pen abeisa February 6 zanlam in numeino ii apa tawh zu dawnkhawm uhhi. Hein Min Zar innsungah zu adawnkhawm uh hi a, zu akhamkhit uhciangin numeino ii apa pen Hein Min Zar innsung ah lumsuak hi.

Numeino pen anu aomnawnloh ciangin apa paina khempeuh ah azui kawikawi ahihi. Apa pen zukham in Hein Min Zar innsung ah a ihmutlaitak in, Hein Min Zar in atanu kiangah na innah hongkhaning ci’n paikhiatpih hi.

Tuaciangin numeino pen Hein Min Zar in khuasung ah paikhiatpih in abuan ahihi.

Tuabangin abuanpa Hein Min Zar pen HIV natna nei cih akitheih sawnsawn ciangin numeino adingin ki lunghimawh mahmah hi. Minhlah Myone MP khat ahi U Maung Ko in agenna ah mibuanpa Hein Min Zar pen HIV natna lungno nei cih kiza hi.

Video: Mizzima News panin akhahkhiat….

Pawlkhat ngeina zatui, Traditional Medicine athei pawlkhatte’n HIV natna aneite pen numei siangtho “Virgin” tetawh omkhawm leh damkikthei cihbangdan a umkhawng peuhzong omthei uhhi. Tuahangin Hein Min Zar in numeino pen abuanpeuh ahikhadiam. Tuaciang apa tawh zu dawnkhawm in, zukhamsul in apiang cihpeuhzong kigen hi ci’n genkhia hi.

Tua buan athuak numeino pen tulaitak General Hospital ah kikem in, Operation bawlzong akul khadiam kici hi.

More: Yangon ah sangnaupang Tan 9 akahlaitak abuanpa kum 23 thong kiadingin thukipia

Numeino ii apa in Police Report abawlna tawh kizui in mibuanpa Hein Min Zar pen palik te’n mankhinta uhhi. Mibuan “Rape Case” tawh thu akibawl laitak hi a, atampen khantawnzong thongkiathei, tua ahih keileh atawmpen kum 10 peuhmah thong kiatheiding cih kiza hi. Sawltak #zomidaily