Lungdambawl thupuak: Lungdambawl ni ihcih?

Lungdambawl thupuak: Lungdambawl ni ihcih?

Innkuan, lawmlegual tawh hun zangkhawm in singkung tung a kikhai letsong tuamtuam zonna/ngahna ciang tawh I lungkim diam?

Lungdambawl ni I cih in:

1. Jesu pen Topa a na san ni hi sak in.
Lungdambawl ni in na lungtang sung, na innkuan sung le gamtat luheknate ah Jesu pen Topa a na san ni hisak in. Nisim in Jesu pen na Topa hisak in. Paunak 3:5 “Na lungsim khempeuh tawh Topa muang inla, nang’ theihna suang kei in.”

Lungdambawl ni I cih pen, Jesu Topa a I koih masak ni ding ahihi.

2. Thupha bawl ni

Na innkuanpih, na lawmnagualte le a cihmawh zawte tung’ thupha na bawl ni hisak in. Paul in Jesu kammal a na zatna ah bang na gen hiam cihleh Sawltak 20:35 ah, “Topa Jesuh mahmah in, ‘Ngahna sangin piak khiatna-ah lungdamna lianzaw hi,’ a cihna phawk kawmin nakpitakin nasepna tawh na khempeuhah a zawngkhalte huh ding hi hang, ci-in note kiangah kong lak khinzo hi,” ci-in a vaikhak hi.”

Lungdambawl ni cih pen hehpihna tawh piakkhiat ni hisak in.

3. Lungdambawl ni pen Lungdambawl ni ahihi.

Lungkhamna, dahna le haksa nasak thu tuamtuamte koihkhia in upna tawh Jesu hong suahna thu I lungdam ni ding ahihi. Tuucingte in, “Bethlehem khua-ah pai-in, Topa’ hong gen hih thupiang va en ni,” a kici uh hi.” Luka 2:15

Lungdambawl ni cih pen Jesu suah lungdam khop ni ahihi.

Thukhupna:

Leitung lungdam Topa hong pai cih la a sa thei/ a za ngei khempeuh in hih lungdamna THU ngah kim lo uhi. Lundambawl ding lawp in manpha na sak le Jesu Topa in na koih masak ding ahihi.

Lungdambawl ding lawp in manpha na sak le bang ka ngah tam cih sangin bang ka piakhia tam cih ngaihsut theih ding ahihi.

Lungdambawl ding lawp in manpha na sak le Jesu suah lungdam pawi a kibawlna biakinn sangin a thupi zaw mun dang omlo hi. Na pawlpi ah lungkim huai tak in zatkhak ding geelna nei in. Jam Daniel