London, Buckingham Palace gei ah pasal temtawi khat kiman

London, Buckingham Palace gei ah pasal temtawi khat kiman

British Police te’n Buckingham Palace gei ah Wednesday ni in temtawi pasal khat mankhia uh cih Straits Times pan kiza hi. Telegraph Newspaper te genkhiatna ah Buckingham Palace lutnading lamzikpi tungah Queen Elizabeth ii tuanna mawtaw in anawkmadeuh in hih temtawipa akiman cihi.

Queen Elizabeth pen Prince Philip tawh St Paul’s Cathedral biakinnpi ah apai madeuh in akiman ahihi.

Britain’s Press Association te genna ah ah tua temtawipa pen akhut kol kibulh in leilak ah ki tusak a, Officers honkhatin akiim apaam ah umcih uhhi ci’n ageipan amukhat in genkhia hi. Tuazawh asawtlo in Police Van tawh ki puakhia cihi.

Metropolitan Police pan Spokesman khat ii genkhiatna ah hih temtawipa leh ngongtatna Terror-related te kizopna omloding in ki ummawh ci uhhhi.

Temtawipa pen ahunlap in kiman in, atemta ki matsak a, asi aliam kuamah omkhalo cihi. Tuapapen London Police Station ah kipuakpah hi.

Met Police Spokesman khat ii genkhiatna ah tua temtawipa minpen Jahiem Meade kici minnei khat hi a, kum 22 aphakhin Hackney pan cihi. Hiamtawina “Offensive Weapon” hangtawh thu kibawl cih kiza hi.

Manchester Suicide Bomb vaitawh Britain gamsung ah mipi patau in aomlaitak uh hi a, gamsung Security pen kumpi thunei te’n ahanciam mahmah laitak ahihi. ZD Sawltak #zomidaily