Lennupa mun keplezuun ziading kikupna

Lennupa mun keplezuun ziading kikupna

GZA August 23, 2018 | Zogam, Tedim khuahuam sung ah om ahi Len Nupa mun manpha pen bang ci bang in kem in zuun thei ding cih tawh kisai kikupkhopna Aug 23, 2018 ni in Upper Room New Life Church, Yangon ah kinei thei hi.

Tedim pan in Len Nupa Natural Heritage Protection Group pan Secretary Tg. Cin Suan Mung (CS Mung) in abeisa hun sung in Tedim CSO te tawh nasepkhopna Heilei, Kaptel, Suangzang, Khuaimual khua te ah pai in mipi te tawh kimuhna te gencianna nei hi.

RECOFTC Myanmar – The Centre for People and Forests kipawlna pan Tg. Thang Deih Tuang in Community Forest (CF) thu tawh kisai a thei huai thute gencianna nei hi.

Tua nung ah mailam ah bang ci bang in kalsuan mapang thei leng Len Nupa a kipan Zogam sung ah leitang munpha te hoihtak in kemsiiam thei ding cih thute kikup khopna kinei hi.

Mailam kalsuanzia ding:

1.Tulaitak in Kawlgam sung ah Forestry, Agriculture tawh kisai a om sa thukhunte, tatdan te siksan in Kumpi zum te tawh kithuah in gamtang ding

2. Zomi sung kumpi nasem uliante, Mipi Palai te, Singkung-Logam lamsang pilnasiamna a nei te, a mun a mual a om mipi te lunggulhnate, Zogam Kawlgam le Leitung gam tuamtuam a om Zomi te pangkhawm in kalsuan ding

3. Len Nupa mun bang mah in Zogam sung om mun-manpha te sazian bawl in zuun ding.

Thapiakna

Le Nupa NHPG, Tedim nasepna ading in hong kihel thei teng in a mau mimal hih theih zah tawh piakhiatna kinei aa, Kawlgam sum 150000 ks kingah hi.

Hih vai tawh kisai kizopna ding

• Tg Cin Suan Mung (CS Mung)
• 09256129315
• [email protected]
• Myoma Veng, Tedim, Zogam

GLOBAL ZOMI ALLIANCE THUZAKSAKNA 4/2018

Nimit: August 20, 2018

1. Tedim khuapi panin muan le suan mipi le khangno makaite in July 27, 2018 ni in “Len Nupa သဘာ၀ ယဥ္ေက်းမွဳ အေမြအႏွစ္ ထိန္းသိမ္း ေစာင္ေရွာက္ေရးအဖြဲ႕” (Len Nupa Natural Heritage Protection Group) ci-in anuai a bangin Kipawlna khat hong phuan khia uh cih thu kiza hi.

“Len Nupa Len Nupa သဘာ၀ ယဥ္ေက်းမွဳ အေမြအႏွစ္ ထိန္းသိမ္း ေစာင္ေရွာက္ေရးအဖြဲ႕”

• President : Pa Gin Khen Thang
• Vice President : Pa Thawng Sian Tung
• Secretary : TgCinSuan Mung
• Joint Secretary (1) : Pa Nang Thawn Kham
• Joind Secretary (2) : Pa Ai Sian Pau
• Finance : TgSuan Khan Mang
• Account : Tg Mung ThawnMang
• Members : Pa Hang CinZam (HeileiKhua Hausa)
• : Pa Do ZaTuang (KaptelKhua Hausa)
• : Pa Thang Khan Dal (SuangzangKhua Hausa)
• : Pa Neng Khan Pau
• : Sia Nang Sian Pau
• : Pa Langh Khan Mung
• : Pa Sum Lam Khup

2. Hih bangin “Len Nupa သဘာ၀ ယဥ္ေက်းမွဳ အေမြအႏွစ္ ထိန္းသိမ္း ေစာင္ေရွာက္ေရးအဖြဲ႕” kipawlna hong kiphuat khiat manin GZA in lungdamna leh angtanna lianpi kinei a, mailam ah a kisapna zui in hih kipawlna tawh ahi zongin, leitung kiuli a om Zomi khempeuh tawh ahi zongin, khut khat tawi, khe khat khai bangin ma pankhop ding lungtup kinei hi, cih thu kong tangko khia uh hi.

Central Executive Committee
Global Zomi Alliance