Heilei khua mite’ hanciam natawh Lennupa lampi Cycle tungsuak tading

Heilei khua mite’ hanciam natawh Lennupa lampi Cycle tungsuak tading

Heilei Khua mite’n khuazaang buppi in thatang piain “Len nupa” paina lampi Cycle tawh aki tung suak thei na ding lampi zik in hanciam takin to uh a hi hi.

Heilei khua pan in ‘ Lennupa ‘ munpen tai 6 leh falong 3 ciang khawng pha ding hi. Heileikhua pan in tai 3 ciang , Cycle lampi atung sa hi in, tua aban aom lai tai 3 leh falong 3 atawh beh dinguh ahi hi. Tuni ciang in, tai 2 bang lampi sial/zik khin zo uh hi. Lampi azai pen pi 3 in zikin atawh uh hi.

Heileikhua ah pawlpi aom teng…

Pawlpi

• 1.Tuiphum
• 2. AG
• 3. RC
• 4. 7 day
• 5. TCBC
• 6. ECC

Khua leh gam ading in khutkilen in ma apang khopna te uh et teh huai in pahtawina leh lungdam na ipulak hi.

Heilei khua pen Kawlpi pan Mualbem tawn leh tai 60 pha hi. Tedim pan hi leh tai 21 pha hi. Heilei khua Inn 214 pha uh hi. Abei sa 1995 kum in tansawm sang zong angah ahi uh hi.

Ih Zogam mun tuam tuam ah aom ahi tangthu manpha aom mun leh mual te khua aki nai penpen ten inn tek tang zaw deuh in ikep,ki zun, ding lung gulh huai mah mah hi. Heilei khua sanggam te pen et teh takin i-angtan pih hi.

More: Etlawm Mual Kuam Len Nupa ~ Dr. James Dongno

Maban aki sam lai te khem peuh zong ahuh apan pih nuam iom leh,ipan pih ding kilawm isa hi.Khua le gam ipuah khop, ikep kho,izun khop na zong ahi ding hi. Thuhong gen khia; Rev : Gin Do Lian (Tedim Times)