Tulaai Leitung Thuthang tuamtuam te Updates (Nov 06)

Tulaai Leitung Thuthang tuamtuam te Updates (Nov 06)

Karen Mipi 10,000 in White House mai thuumna bawl
US gam State tuamtuam a om Karen Minam te kikaaikhawm in Hamsatna tuam Karen Mipi te US ahuh nading leh Karen gam a omlaai Karen mipi te Kawl Gaalkaap ten aut bangbangvua abawlna uh akhawlnading un US in apanpih nading November 6,2017 ni in Mipi 10,000 kiim in daaitak in thuumna bawl uhhi. Palik ten gamdang suak Lungphona abawl hizah a mitam kamu ngeinaaikei uh ci in lamdangsalua mahmah in mit telemlam liang in enphapha uhhi.VOA

President Trump leh PM Abe

US President Trump Japan tekiang ah nasepnasa uh ombang in US gamsung ah Car-mawtaw tampipi ongbawlthuahlai un ci in November 6,2017 ni in sam hi. Zingvaai nitaak vaaiteng ahawmkhit uhciang Thukantetawh dotna dawnna kibawl uha, thukanten North Korea Nulear thautang Japan gam ongtuleh bangcihding cin adot leh President Trump in PM Abe in US te gaalvanhoih bawlthak te ongleipeuh leh vanlaaipan kapkhia lel incia ci hi. North Korea vaaitawh kisai in suk le suk to le to gamtatzia ding teeltheiding in sabuaitung ah koihdeudeu ding in Abe tawh kithukim uhhi. BBC

Ivanka Trump aniik singlua deuh ci

Japan gam ah Apa mai ah anazin kawikawi President Donald Trump i tanu Ivanka Trump i niiikten peen Aisakua dawkdek liang ahihman in Ulian khat ahihna tawh Japan gam a ding in siinglualawmlawm ci in aciahkhit ciang Kumpi lam leh Mipi sung ah gensepsup uhhi.BBC

Senator Rand Paul naakguh-4 kitan

Nungkaal Friday ni ko omna Bowling Green khua a in phualzaang ah avengpan asaatgawp Republican Party pan Senator Rand Paul peen minor injuries tawmbek liam akicikimlaai Siavuan ten a er taktak ciang anaakguh-4 bakitan a atuapzong sidup ahihman in sawtpi kibawlkulding ci in asiavuan ten November 6,2017 ni taangkokhia uhhi.Hih Senator Ranpaul peen Republican Pan akimuangmawhlo khat ahihban ah 2016 President adem dawl-4 na pan akiakik pawl ahihi.Sawtpi nasep off leh Republican in tax forms cihbang vaithupi tampitak aneihlaitak uh hi a nawngkaaizoding ci uhhi.DailyNews

President Trump South Korea ah

President Donald Trump Asia gam zinna amun nihna ah South Korea gam November 6 ni in tungtota a, amahdeih pawl leh North Korea doding athukim pawl in Niangtuikhum tawh navaaitun in gaaldeihlo leh Trump adeihlo pawl in tangkhatui leh konai nazingmeh sak ziahziah uhhi.VOA

More: White House ah muanmawhhuai vankhat kimu ahih manin kikhakcip ~ ZD

Vietnam ah Typhoon huihpi leh guahpi

Vietnam gam ah November 4,2017 nipan kipan in nasiatak in Typoon huipi leh guahpi kithuah in nawkgawp a, mi49 si in 11 mangthang a, inn 116,000 kisiacip hi ci in thunei te in November 6,2017 ni in taangkokhia uhhi. November 8-10 sung Vietnam gam ah APEC khawmpi kibawlding a tuamun ah gam-21 pan makaaite leh President Donald Trump,President Putin,Presidetn Xi Jinping te kihelding uhhi, Tuasung guahtam khia mahmahding cihsawnsawn ahihman in buaisipsup mahmah uhhi.VOA Thang Khawm Pau