Leicial veng ~ Tedim Municipal

Leicial veng ~ Tedim Municipal

Leicial veng te lunggulhna leh hong ngetna uh tawh kizui in lampi 5′ pan mawtaw pai theih ding in 12″ a gol in ki kek sak hi. Nopna dahna ah mawtaw nuamtak lut thei ta ding hi.Budget a om zong hilo in Sipin EO deihsakna leh vaihawmsiamna tawh a ki bawl sak zo ahi hi.

Huang i um ciang dai(singkung) sung lampan um zo leng mitampi a ding nop tuam mahmah ding hi.Mipawl khat te’n dai pua lampi 1′ ,2′ napan um pan a hihman in lampi neu tuam mahmah hi.

Ei mau inn mai pen ei mau a mah a hi hi. kua mah in zong hong sut lo ding hi. kuamah in na inn mai vuah nopna/dahna hong bawl lo ding hi.Tua hi aa ih inn mai dai kai in lampi neu seksek kei ni,khan toh gim nam kei lua lawm.

Thuthei ngaihsutna picing nei ten khantoh na ding leh mipi phattuamna ding a hih nak leh a inn mun logam uh phal tak in pia ngam lel uh aa ngaihsutna cingtak nai lote in, a inn mun uh 1′ gen loh 1″ khat a piak ding sang in mipitot lampi kek to zaw beh lap uh hi.

Mikang te’n “Life is too short to be selfish” ci uh hi.Nuntakna pen hun tomna sung a hihman in tua hun tomno sung, a mau ai tuam(selfishness ) gilpi a ding ngaihsun lo in mitampi te noptuam na ding geel in sem ciatciat uh hi.

Mawk Peuhmah

Tedim khuasung leitang manpha it ding hi i cih sam hang cikmahhun in tua leitang pen suai piang ngei lo ding hi.(It can’t be ever/never become gold).Suai piang ding a sasa mipawlkhat om tuak mawk hi.

Ih leitang ih huang it ding mah hi a hi zong it siam in mipite noptuamna ding zong ngaihsut siamleng ih biak Pasian zong a lungkim ding hi.

Hi Thumah Lamdang

Tedim viewpoint pen to lua lawmlawm in bokbah sa in ki pai zawzen ci’n (critical mind) tawh deihsak lah bang gensia lah bang omna munpan a hamham pawl khat om mah hi

Himah hi, manmah hi,Tedim viewpoint step pen tolua in sanglua hi.Viewpoint cih ciang (etna/khuadakna) a hihman in a sang thei penpen mualtung ah a kibawl ahi hi.Himun sang a sangzaw om leh a ki deih hi zaw lai hi.

Step ah a pai ngamlo/zolo te a ding khelam bek hi lo mawtaw/cycle zongnuamtak tung thei ta hi.Sezang khuakhung lamlui lampi pan kipial phei hi.Tualo lungtang natna nei aa a sang limlim a laute a ding mualnuai lampi nawl ah omna ding mun ki bawl sak hi.Tualai ah khedap phah in tut hithiat ding hi lel hi. Tedim Municipal