Puansawpna Laundry Shop sungah damiah lutin, RM15,000 manding laksak

Puansawpna Laundry Shop sungah damiah lutin, RM15,000 manding laksak

Malaysia, Gombak vengsung aom puansawpna (Self-service Laundry) saikhat ah damiah te’n vanmanpha asuhsak laitak, CCTV panin Video Record kibawlkha ahih manin, nungsungteng Social Media ah hongki thehzak hi.

Tua Self-service Laundry pen Taman Sri Gombak vengsung ah aom hi a, nai 24 sung akihong (24 Hours Service) ahihi. Video sungah pasal nih Motorycle Helmet khukawmsa in, Laundry sungah honglut uhhi.

Hih thupiang pen abeisa Friday zanlam in thupiang kici a, Laundry saisungah puansawpding ngakin aom Customers te tungpan in damiah ataih uh ahihi.

Pasal khatpa in puansawpding in angak nupi khat temta tawh ngimvevasa in, aneihsa vanmanpha teng ngen hi. Tua ciangin Handbag suhsak in, tua nupinu pen akiau khatah vading in ci’n thupia hi. Tuaban ah apumpi tungah vanmanpha aomlaihiam ci’n ngetbeh hi.

Tua nupinu in apiaksawmloh ciangin adang pasalkhat honglutbeh in, temta mahtawh angimkawm in, nupinu ii akhut ah abulh vanmanpha Jewellery suhsak in, tuakhit ciangin taikhia vingveng uhhi.

Video: Robbers steal RM15,000 worth of items from woman

Gombak OCPD Asst Comm Ali Ahmad ii genkhiatna ah tua nupinu in asawtlo in Police Report hongbawlpah cihi. Nupinu tungpanin sumtang Cash ngiatzong RM1000 bang laksak in, tuaban ah Mobile Phone, vanmanpha Jwellery honkhat leh Identification zong laksak cihi.

Damiah te’n asuhsak teng avekin aman akituat ciangin RM15,000 bang manneiding cimawk hi. Tua guta damiah tepen Gobak Police te’n kankhiatding hanciam uh ci a, hihvai pen Gang Robbery Case tawh thu kibawl cih kiza hi.

More: Kuala Lumpur khuasung ah thautawi guta damiah mi 2 kikaplum

Alamdang ah hih damiah te alut laitak in hih Laundry Shop sungah pasal zong pawlkhat om uhhi. Akiu khatah pasal lukhu akang akhu (gammi biakna te) khatzong puansawpsa te akhepkhep in om a, damiah te’n tua pasal te bangmah cihvetlo uhhi. Tuaban ah tua pasal puankhepkhep pa’nzong damiah te awlmawh vetlolel in, asepding teng semsem lel hi. Malaysia ah Damiah bel tam acihin tammawk ei… Sawltak #zomidaily