Fear: Launa cihpen “False Evidence Apearing Real”

Fear: Launa cihpen “False Evidence Apearing Real”

Launa cihpen FEAR: ‘False Evidence Apearing Real’, ‘a omlo a manlo thu a taktak bangin hong ompak thu hilel hi’ kici hi. Sa sai ah na a sem papi khat om hi. A sasai uh pen ေရခဲေသတၱာ (refrigerator) vive tawh nasep na ahihi.

A sa te uh tuivot bangin a vot singkuang te sungah ki koih zihziah den hi. Ni khat tua papi pa kamsiatna tawh sasai sungah kong kikhak nelh kha hi.

Naitawh na a kisem a hihmahbangin a hang tuamtuam tawh zekai kha ahihman in kong ki khak nelh hi. Pusuak khia thei nawnlo hi. A honding misam in a otot hangin a pualam pan in kuamah in za nawnlo hi. A huhding kua mah pai nawnlo hi. A ngaihsutna sungah ‘aw kei ေရခဲေသတၱာ sungah a om ka hive maw’ ci in laumahmah hi.

Zantha pai in hisungah om leng a siding ka hihi ci in launa leh upna tawh kidim hi. Tuabang tengtawh nai thumsung ding bang tua inn sungah om hi. Nitak ciangin kaamphatna tawh a lawmte khat a thupi mahmah sumsazian nusia kha ahihmanin tua innsungah hong pai hi. Tua nu in zongh lamet loh pi in sa sai sungah a naseppih pa mu hi.

A et leh a khut a khe khauh cip khinta hi. A khutte tuikhal bangin vot kilkel hi. Khua phawk nawnlo hi. Zato ah a manlangtak in puak uh hi. A lungtang bek a na khawlnai lo hiaa a sivui sungah site a pai nawnlohna mu uh hi. A khuakbu te a khalh na ding minute tawmno bek kisam lai ahihna siavuante in ngen hi.

Siavuan te bawlsiamna hangin dam kik sam hi. A lawmte in lamdangsa mahmah uh hi. Banghang hiamcih leh tua inn sung pen ေရခဲေသတၱာ bangin a kizatloh zawh kha 3 val khin ahihman ahihi. Papi pa in a kizanglai, a vot lai mah sa in lau hi. Mite in zongh lamdangsa bek hilo in umzolo phial uh hi. Tua mipa awkna inn leh a veng a paamte inn ii a lumna leh a votna a kikim hilel hi. Khua votna in mipa a sia sak hilo aa a lungsim sungah upna leh launa in a thatlum dektak ahihi.

Ki honkhia lo hileh a votlo pi mahin a votna aa te mahbang in a keugaw ding ahihi. Tuabangaa upna leh launa in silesa keusak, si san khalsak, khuakbu ngaihsutna susia bek hilo in a mi mahmah a that thei ahihi. Laulohna leh upna man a nei hileh tua mipa si vet lo ding hi. Siamsin Library