Motorcycle tawh atuahsia pasalkhat lamkal ah cimawh in aom laitak in Siavuan numei khatin nahuh hi. Tua atuahsiapa pen amah ahuh apanpihnu tawh ki mukiknuam mahmah ahih manin, Facebook tungah aki tangkona panin kimukik theita in, lungdamna genkhuan ngahthei cih NST pan kiza hi.
Tua Motorcycle ahawlpa Motorcyclist ii aminpen Faisal Hasbullah Alimin ahihi. Abeisa Sunday ni in Genting Sempah geinai Kuala Lumpur – Karak Highway tungah Motorcycle tuahsia hi.
Ahi zongin kamphatna tawh amah ahuhding “Good Samaritan” khattawh kimukha hi. Tua Doctor nu minpen Dr. Koh Siew Ling kici a, amahpen Sabah State sung aom Sandakan khuapan ahihi.
Motorcycle tawh lamkal ah atuahsia amuh ciangin hehpihhuaisa in, asi anai teng siaksak in, zato pan Ambulance atundong agei ah ngakpih hi.
Harian Metro te’n atuahsiapa Interview adotna khatah tua Siavuannu pen ka tuahsiat kacihmawh laitak in honghuh hong panpih ahih manin kalungdamna kagennuam a, ami mahmahzong kaki munuam mahmah ci’n genkhia hi.
Tua honghuh numeinu pen Doctor khat hi a, zatui bawlna “Medical Equipment” tengzong hongpua in kasisan paizia leh kanakzia “Pulse and Breathing” zong hong Check sakpah cihi.
Atuahsiapa in hihbang in lamkal ah ka tuahsiat laitak nonghuhpen lungdam mahmah ing. Aki theingei hilo, ih minam “Race” zong akibang hilo in, hihbang in itna nongneihpen lungdam mahmah ing” ci’n genkhia hi.
Dr. Koh Siew Ling leh atuahsiapa pen zanni in Kuala Lumpur Hospital ah kimukha uh cihi.
Dr. Koh in agenna ah acihtakzong hilo, konghuhna pen nong lungdamkoh tangtang manin kipaakzaw ing. Hih tamcik konghuhna lelpen Internet tungah hihzah in aminthang dingin lamen hetkeng. Hihbangdan tuahsiatna kaphutkhakkik zenzen lehzong kahuhding pen aki gingsa in aomden hi’ng ci’n genkhia hi.
Hih Motorcycle atuahsiapa ii alawm khatin Facebook tungah Dr. Koh in ahuh laitak Photo suahkhia hi. A laigelhna ah hih Siavuan nupen nadam ciangin zongkik inla, lungdamko in. Amahpen naliamma teng hong siaksaknu hi.
Related: Etteh huai mite na sepna leh Zomi numei te
Muamkhum “Sweets” leiding in hongsawl a, napumpi sungah “Sugar level” akiam luatding patau ahih manin, hong nesaknu hi ci’n Facebook tungah alawmpa laigelh leh Photo pen amukha khempeuh in thupisa in kithehzak “Viral” gawp cih kiza hi. A ettehhuai Good Samaritan taktak himawk hi… ZD Sawltak #zomidaily
Comment piaknop aomleh...