Lamka sanggam numei 8 te vai Update (27 Sep 2017)

Lamka Sanggam Numei 8 te vai Update (27 Sep 2017)

Kongsuah ngei zelsa mah bangin 21.09.2017 ni-in akumtam zawdeuh numei 5 te vai ahih leh siangta hi aa, akumtawm zawdeuh 3 te vai sianglo ahih manin kingak uh ahi hi. 26.09.2017 ni-in kumtawm zawdeuh 3 teng Court ah tutsak hi aa, thukhen mangin mawhpeng ci-in avai uh siangta hi.

Tuatawh ki zui-in 27.09.2017 ni-in India Embassy tungtawn panin India lut theih nading lai kila aa, Myanmar Immigration Office pan aa laitawh kigawm in Kawlgam pusuah san theih nading lai kibawl thei ta hi. Ahi zongin dan zui-in nasep kisam ahih manin amauteng in Kawlgam Immigration Office ah Dan lo in Kawlgam kong lut nawnkei ding uh hi cih Sign 28.09.2017 ciangin kai ding uh hi.

28.09.2017 ciangin avai teng khempeuh uh siang ding aa, 29.09.2017 ni-in Kawlgam pan India Flight (Vanleng) tawh ki ciahsak ding hi. (Detail damin ong zasak kik ning (Airline, Departure, Arrival cihte).

Note: India Embassy in mi 8 nek ding nikhat MMK 30000/- ongpia aa an nihvei nek bek kizo hi (an huanding YMCA Peon kicial hi). Sanggamte gilkial thei ahih manin Impulse Care Info Centre, YMCA leh ZYA-Yangon kipawl in Breakfast leh sunah Tea n Snack kipia beh lai hi.

Numei hilai uh ahih manin kisap tuamtuam tengzong ahun zui-in ki vaihawm sak hi (Soap, Top-up, Shamphoo). YMCA in giah nading mun sum lalo in ong zangsak hi.

Related: Kawlpi, Tahan akipuakding thau honpikhat lamkal ah kiman

Agent:Ong kidong theizel Agentte vai pen Kumpi lamte nasep ding suak aa, ei gentheih leh doptheih omlo phot hi. Police leh Immigration te in Tamu pan Yangon ongpuakte Yangon Agentte amin uh tawh nei khin uh hi.

Pau Khan Sing @ Singpu
ZYA-Yangon aitangin