Lam etna ~ Deih Tung

Lam etna ~ Deih Tung

Lam etna ih cih in mailam thu tawh a kizom a hihi. Lam etna nei ih hih man in mihing te sak leh khang ah diang phang phang in sum lehpaai zongin, pil na sin in mun tuam, gam tuam ah a vak kawi kawi ih hi hi. Leitung a hih manin lam etna ih nei tek hi. Eite lam etna in bang hi a, Pasian in eite tung pan a lam et bang a hihiam? Pasian lam et na zah in a mah ih phat zo hiam? Ih lung kim sak zo hiam? Leitung thu tawh hi zomah mah lo ding hihang.

Lam et na in a ki mu nai lo thu te ah hong piang tak pi ding hi ci in muh khol na tawh nuntak na a hihi. Tom no khat sung ki mang ding ciang, tawm vei sung nuntak pak na ah a nuam tuam ding lam etna tawhhih zah in buai ih hih leh ih khangtawn tung a ding, ihkha a ding, sih na om nawn lo nuntak na ding in nakpi tak inlam etna liat sak huai in, han ciam huai a, deih huai leh Pasian santheih lam etna ihneih ding ki sam hi.

Laisiangtho gen lam etna in mailam thu tawh ki sai ciang bek hi lo in,Pasian kam ciam te lehhong lahkhiat thu te tung ah akinga lam etna a hih man in, lungtangsung a khamuan na leh lungmuan na tawhlam etna a hihi.

Laisiangtho tawh ki tuak lam etna ih cih in a kip upna leh Pasian muanna ah lungmuan na zong ahihi.Late phuakpa in “muan na” leh “lam etna” ton khawm sak hi. Huhna hong pia thei ulian te a hi a,Mihingta te a hi zong in muang kei un zong na ci hi.

Ci leh sa lam pan in ci leng pen leitung mit mahtawh na ki khensat thei zel zel a, ih lam etna te ih siat sak khak loh ding, ka lam et na in tua hi ci a mitkha ah mang sak lohding thu pi hi.Jakob Pasian pen a ma huhpa hi in a ma Topa Pasian a muang mipa in alungdam mi a hihi. Eite in hong huh pah pah thei Pasian a muang mi te ih hih man in lung dam ding zong a hihi. Lam etna ih cih in tembaw kipsak na sikkip bang in upna sungah hong kip sak thu a hihi.

Thu um mite lam etna thu bulpi te

Thu um mite lam etna in Pasian pianzia,Jesu Khris leh Pasian kam mal tung ah ki nga hi.

1. Pasian in thuman na tawh a ma mite a panpih na, laisiangtho tungtawn in ki mu thei hi. Genteh na in, late 22 sung ah David in a nuntak na haksat na a tuah ciang,a bei sa hun a Pasian hot khiat nate phawk kik a, Pasian inhong honkhia ding hi cih “lam etna” na nei hi. “Ka pa te un nang mah hong muang uh hi; amau te in hong muang uh a, nang mah in a mau ten na hon khia hi.” ci hi. Tua hi a, lam khat pan in enleng,Pasian nei lo te a ding in in “ lam et na” neih theih na ding a hang bang mah om thei lo hi cih a hihi.

2. Thuciam na thak ki cin na a hi Jesu Khris hang in eite in amuan huai lam etna ih nei hi.Thu um mite a ding in Satan nasep nate susia ding in Pasian tapa hong pai hi.Jesu in Satan tung ah gual zo in thu a neih na pen leitung a om lai in dawi te a hawl khiat na ah ki lang hi.Sihna pan a tawh kik na in Satan gam khem peuh ki su sia mang in Pasian kumpi gam vangliat na hong ki lang sak hi.

3. Eite in lam etna ih neih na ding in Pasian kam mal in athu pi pen pen a hihi.Khasiangtho in tanglai kamsang te leh nungzui te zangh in khialhna om lo Pasian kammal te gelh sak hi.Hih Pasian kammal in a tawntungin vantung leh leitung kip a hih man in ei te in i lam etna hih kammal sung ah i nga ding hi.Atak tak in Pasian leh Jesu tawh ki sai i theih thu khem peuh pen hih akhial thei lo, Pasian kammal panin ih ngah a hihi.

Thu um mite lam etna thupha te

Thu um mite lam etna in Pasian sungah a hi zong in, a Tapa Jesu Khris leh a kammal te tungah hi zong in ki ngading a, mihing te tung,sum leh paai, neih leh lam te tung ah hi zong in ki nga lo hi.

1. Hih lei tung nuntak na ah gentheihna haksatna tuam tuam te sungpan in Pasian hehpihna muang in hong hon khia ding cih lam etna ih nei hi.

2. Hih leitung in siatna khut sung pan in asuahtak hun,eite pum in gual zawh natawh a thawh kik hun ciang in hih leitung a ih gen theih na khempeuh beimang ding cih lam etna ih nei hi.

3. Ei te hong gup khiatna a kicin ni ding lam etna ih nei hi.

4. Pasian mah mah in geel in alamsa khuapi ahi,vanthak ah eite in atawn tung innpi ihnei hi cih lam etna ih nei hi.

5. Topa tawh vankim lai ah ki mu ding in,thu um mi te in leitung pan in laktohna a ngah hun, a mah a hi bang in mu in,a mah tawh ih sut hun, Jesu Khris a lian Pasian leh hon pa in a ma vangliat na tawh hong ki lat ni ding, ei te in lam et na ih nei hi.

6. Eite in dikna lukhu, vang liatna lukhu,nuntakna lukhu te ngah ding in lam etna ih nei hi.

7. A tawp na ah Topa Jesu muang in ama thu mang mite in tawntung nuntak nangah ding cih lam etna ih nei hi. Deih Tung