Kumthak tawh thakkhop theihnam hilo ~ Evan. Suangh Dal

Kumthak tawh thakkhop theihnam hilo ~ Evan. Suangh Dal

Mihing in thumaan mudah hi. Banghang hiam cihleh thumaan in amah bek lian ta a selpho khia tawh kibang tawntung ahih manin a lungsim tawngah patauhna le nawngkaai sakna tawh kidim sak tawntung ahih man hi.

Ahi zongin Paul in thu gengenin, a hoihin gamtat ding, pumpi ki-uk zawh nading, le hong tung ding Thukhenna Hunte a gen tohtoh ciangin, Feliks hong lau-a, “Va pai kik phot in. Hun ka ngah ciangin kong sam kik ding hi,” ci-in a gen hi (Sawltak 24:25).

Thumaan hong kigen leh hoih tak ngaihsun-a a hun om lai mah-a i maan lohnate i mawhna pan kisik-a Jesuh Khrih upna tawh i pianthak ding pen, den ciangh, zingciangh, mai kum ciangh ci-a kum thak tawh thak khop theih nam hi lo hi. I hihna bangbang tawh kisik-a Jesuh Khrih Tanpa le Topa a i up i san ding hun hoih pen tu-laitak (just now) mah hi pah den hi.

Kisikna maan taktak icih pen ni danga na it mahmah zuautat gitloh hazat huaihamna nam peuhmah muhdahna hi a, nidang-a na muhdah dikna le sianthona namte peuhmah tunin it theih tintenna ahi hi.

Kisikna icih pen lei khawng sik gawp tuan gawp-a kineih theih nam hi loin, ni danga na it mahmah mawhna nam peuhmah tun muhdah. Ni danga na muhdah mahmah dikna nam peuhmah tun it mahmah cih bang-a lungsim lam kikhelna tawh lei sika kalsuanna nam hi zaw hi.

Jesuh Khrih eite tungah bangzah ta-in hong migi cih mangngilh ihih kei buang leh midangte tungah i gitloh ngam theih nading thu om lo hi.

Ei’ tungah mi hong gi leh ut. Mi’ tungah lah ei gilo mahmah cih pen, kei bel ka kam nel dakdak thei lo ci napi, kam tawm khauh pian za leh a thuak zo lo pah malen nuam-a kipan mite’ vai lua hi.

More: Hauhna sangin Pilna, Pilna sangin Upna, Hillary sangin Trump ~ Suang Dal

Pawlpi khat ii vaipuak (tavuanpi) pen ahihleh upna maan (sound doctrine) hilh ding hi ngiat hi. Pastor khat peuh ii ngaihsut piakna, kam cidam khat peuh zanga piakkhiatna (fundraising) bawlbawl, programe tuamtuam le fiaufi (entertainment) nam tawh lim le tangthu tom (ဇာတ်လမ်း drama) khawng peuh lahlah nading le kaal khat sunga i sep i bawl teng thu zaksak nading (hun awng) tawk ding ciang bek hi lo hi … Okay. Evan. Suangh Dal