Kumpi Phiangsiah piak huaizia

Kumpi Phiangsiah piak huaizia

Khangluilai in Ukipi te’n a ukna gamsung tengah siah hong kai uh aa tua pen Phiangsiah kici hi. Gamsa, Innsa a mat, agawh ciang a liang a phei Ukpi te kiang ki puak tangtang hi. Lopan a piang khawhsa min le tang, vaimin a dang tuamtuamte zong a man ciangtan ombang in ki puak ciatciat hi.

Phiangsiah pia nuamkei leng Ukpi te in hong gaam thei bek hilo in a ukna gamsung pan hong hawlkhia thei lai hi.

Tua Phiangsiah pen Ukpi te aituam a ding a kipa a hi hi.Ukpi te inn ah sa tamlua a hihman in a maulah gai zolo in, uih damdam a tho eng in bawk ziahziah ciliang hi. Tuahunlai a kikai /kipia Phiangsiah pen mikhat/innkuankhat nopsak na ding bek ahi hi.

Tuhun aa Kumpi in hong don/kaih Phiangsiah pen kumpite aituam ding hi peuhmah lo hi. Tua i piak Phiangsiah te mah tawh ih gam, khua leh tui a ki zuun a ki puah a hi hi.

Tua hi aa a taktak in tuhun aa Kumpi ten hong don Phiangsiah pen mipite fund sum hi gige mawk hi.Kumpite tung Phiangsiah tampia zo tektek lehang i khua i tui a ding khantohna na tampi ki sem zo tektek cihna hi pah hi.

Tua hi aa Kumpite sum mawkpiak tawh a kibat mawkhang, mipi a ding kumpi te’n sumdon hong sepsak na hi zaw aa tua sum pen gammipite aa a hi hi. Tedim Municipal

More: Kumpi Phiangsiah (Government Tax)

Lampitawh kisai thunei te’n Kamhau lampizik gei teng hawktui pai na ding hawklam hoihtak hong bawlpha uh a hihman in tui pipe pawlkhat kisia hi. Tua hi aa tui hong pai keikhak leh hong theisiam ding in kong lam-en uh hi.

A diakdiak in Myoma leh Sakollam lam tui hong pongmanlo thei kha ding hi.A hi zong in tuinasem te’n a lem thei pen ding in ka thaneihzah uh tawh vaihawm in sun le zan cilo in kong sem uh hi.Tua kawmkal ah kicinlohna a om leh ki theisiam ciat ni! Tedim Municipal