Kum Thak Ni Ka Theihbeh Thu Pawlkhat

Kum Thak Ni Ka Theihbeh Thu Pawlkhat

Chin United FC te’ i CEO asem ngei Sia Do Khan Khup’ thusiamna tawh Chin State kumpi leh Sen mihau mahmah khat ahi Duan Zhengli te’ holimna ah va kihel thei ing.

Sen mihaupa pen leitung a mihau minthang khat ahi Li Ka-shing tawh ki lawmta uh ci hi. Ama’ vanleng tawh hong pai hih tuak. Ama’ phone pen US dollar million 1 val manh ci hi. Ama’ a mulian keng in aizong asawltakpa’ a ka muh teh um lel ing. Asawltakpa’ phone pen Vertu te hi in atung ah “Handmade in England” kici ngiat hi. Internet ah ka et leh tuate lian tulaitak $ 10,000/ manh hi.

– Hong tutpihna uh sai min pen “First House” hi in ka theih khialh kei leh meh kuang khat teng khat (one lakh) hi.

– Mihaupa in ei’ zatngei dan a “Bang teng kingah ahia?” ci hetlo in “Bang teng kingahlo ahia ?” ci’n dongh se hi. Tua dan ka zak ciil hipah

– Vuanzi kungpu (Chief minister) Pu Lian Luai in agenna khat ah Chin State sung ah leisung sumpiang atamna pen Kanpetlet gam cimawk ei. Tua zong ka theih cilna hi.

– Pu Lian Luai in ka ciah uh teh hong genna ah “Hi thei hileh huih khuaphelep mei (Wind power) deih huai mah hiven ih mualtungte ah avante atun theihna ding a puakna ding lampi omlo” ci hi. Tua zong ka ngaihsut khak ngeiloh khat hi. US khawng a a wind power lakna te uh en leng akhuamte gol khia mahmah mawk mah hi. Tuate thangmual dawn tutna ding lampi om nailo hi phot.

– Pu Kam Lian in bel “Kawl te’n ka khantoh ding uh ong haza mahmah uh ahih lam na thei gige un” ci’n bel vaikhak ven maw.

Suutnop tampi tawh

(Mung Laan Thang)
Zangkong