Kum nasep lian ngah nuamte: (Cimphawng)

Kum nasep lian ngah nuamte: (Cimphawng)

Thodotna: Kawlgam in bang kum in suahtaakna ngah?
Lianno: A kipat zawh uh bel sawtpi hi khin. A hihangin 1948 kumin lawhcing zo pan uh.

Thudotna: Tua ahih leh Kawlgam in suahtaakna a ngah theihna dingin a hanciam pha deuhte min gen dih ve.
Lianno: A hanciam bel tam mahmah hi. Khat bek gen leng a lungkim lo om kha ding ahih teh a minsia in gen dah mai ning. A hanciam mi tampi om.

Thudotna: Ih Zogam ah golhguuk neekna pen Zomi te gaal lianpi hi na sa hiam?
Lianno: Hih thu tawh kisai mipilte in limtak a kan laitak uh hi. Thukimna Report kician kipia khia lian nai kei. Report hong tun ciang hong gen thei pan ning.

Thudongpa: Nasia lua ciai. Midang khiangah hih dotna teng mah dong ding ka hihman in na lawmte bangmah gen ken maw.

(Interviewroom pan a paikhiat ciangin a lawm Cinpu in na dong pah hi. Lianno in lawm aw hong kidong teng bel hong gen kei ning. Ahziongin ka phidan hong gen ning in tua dan in phi ziau o maw.)

Thudotna: Na suah kum nong gen thei dia?
Cinpu: A kipat zawh uh bel sawtpi hi khin. A hihangin 1948 kumin lawhcing zo pan uh.

Thudotna: Na pa min bang?
Cinpu: A hanciam bel tam mahmah hi. Khat bek gen leng a lungkim lo om kha ding ahih teh a minsia in hong gen dah mai ning. A hanciam mi tampi om.

Thudongpa: A hai na hia lawm! A bangci mawk na hia?
Cinpu: Hih thu tawh kisai mipilte in limtak a kan laitak uh hi. Thukimna Report kician kipia khia lian nai kei. Report hong tun ciang hong gen thei pan ning.

Francis Lamthang (Zomi Quavadis)