Kum 77 aphakhin piteekkhat atanu muhna ah amahleh amah ki dawtlum

Kum 77 aphakhin piteekkhat atanu muhna ah amahleh amah ki dawtlum

Thailand, Bangkok khuapisung aom nupi piteek kum 77 aphakhinkhat amahleh amah temta tawh kidawtlum cih The Nation pan kiza hi. Tua piteeknu pen sinuam ahih manin amahleh amah temta tawh aki dawtlum cimawk hi.

Tuabang in temta tawh akidawt laitak in atanu zong ageinai ah aom hi a, ahi zongin ahunlap in deihphei theilo in, piteeknu pen a awmsung ah nihvei kidawtman in tuatawh asi ahihi.

Rat Burana District, Soi Suksawat 7 aom amau innsung ah Tuesday zingsanglam in thupiang ahihi. Hihbang buaina aom ciangin Bang Kor Laem Police te zingsang 9:10am hunpawl in kizasak hi.

Police te aphual ah atun uhciangin piteek Jaralsri Wangkijpaisarn pen sikhinta a, aveilam a awmsungah temta tawh 2 vei akidawtna liamma mukhia uhhi.

Atanu pen lunggimtak in anu luanghawm gei ah tu a, Police te’n thudotna nei uhhi. Atanu pen akhe kitan ahih manin, anu temta tawh aki dawtlupsawm amuhman hangin ahunlap in delhphei theilo cihi.

Anu pen temta khat tawi in, anhuanding mehbawlding kasakleh amahleh amah hongki dawtlum hi ci’n atanu in genkhia hi. Anu pen thakhatthu in amahleh amah akidawtlum hi a, atanu in bangmah khaamphei manlo ahih manin khasia mahmah hi.

More: Bangkok ah Model numeino khat amahleh amah ki guiawk in si

Avengte genna ah amahleh amah aki dawtlum piteeknu pen damlohna tuamtuam nei ahih manin, kasinuam hi ci’n gentheizel cimawk hi. Kum 77 bang phakhinta, teeknung guainung ah lungkhamna tuamtuamtawh amahleh amah aki sihbawl himawk hi. Sawltak #zomidaily